Page 7 - Сэрии кэмин оҕолоро 1 кинигэ
P. 7
Күндү ааҕааччы!
Эһэлэрбит, эбэлэрбит, аҕаларбыт, убайдарбыт Улуу Кыа-
йыыны ситиспит кэмнэриттэн, 1945 сыл ыам ыйын 9 күнүттэн,
75 сыл ааһа оҕуста. Бүгүн биһиги, саҥа көлүөнэ дьон, фроҥҥа
хорсуннук сэриилэһэн, тыылга хоодуоттук үлэлээн Кыайыыны
аҕалсыбыт аҕа көлүөнэ дьоммутун сэргэ сэрии кэмин оҕолорун
умнубаппыт. Кинилэр, оччолорго төһө да кыра саастаах, аас-туор
олохтоох буоллаллар, дьарамай санныларыгар сүдү эппиэтинэс
сүктэриллибитин өйдүүллэрэ, аччыктаан харахтара хараҥардар
даҕаны күүстэрэ кыайарынан үлэлээн Кыайыыны чугаһатал-
ларын билэллэрэ. Сэрии ыар кэмнэригэр, сут-сутурҕан сылла-
рыгар өстөөх хайаан да уодьуганнанарыгар бүк эрэнэллэрэ. Ол
иһин сайын ходуһаҕа от үлэтигэр, саас бааһынаҕа бурдук ыһыы-
тыгар, күһүн хомуур үлэтигэр, сүөһү көрүүтүгэр күүстэрин харыстаабакка үлэлээбит-
тэрэ. Тыылга хаалбыт кырдьаҕастары, дьахталлары кытта тэбис-тэҥҥэ эрэйи этирик
түөстэринэн тэлэн, муҥу муннуларынан тыыран томороон тымныыга олох уота умул-
лубатын, өҥүрүк куйааска илгэлээх ойбоно уолбатын ситиспиттэрэ уонна Кыайыы
сырдык дьаралыгар куустарбыттара. Кинилэр ити улуу дьулуурдара киһи аймах баарын
тухары үтүө холобур буола туруоҕа.
Сэрии кэмин оҕолоро Улуу Кыайыыны уһансан баран аны сэрииттэн эмсэҕэлээбит
олоҕу-дьаһаҕы чөлүгэр түһэрсэн, олохпут укулаатын оҥорсон бүгүҥҥү күҥҥэ тиийэн
кэллилэр.
Онон, күндү ааҕааччы! Эн илиигэр тутан олорор кинигэҥ — ураты кинигэ! Бу саҥа
сиртэн сэрбэйэн иһэн киһи аймах историятыгар хаһан да буолбатах тургутууну ааспыт
дьон оччотооҕу алдьархайдаах кэм туһунан ахтыылара. Ону эн салгыы ыччат дьоҥҥор
тиэрдэр иэстээххин. Кинигэ анала оннук. Онон бүгүҥҥү күн үрдүк мындаатыттан хас
биирдии тылы, этиини сыныйан, болҕойон, ыйааһыҥҥа ууран олорон аах. Кыайыы
хайдахтаах курдук ыар толугунан, булгуруйбат дьулуурунан ситиһиллибитин өйгөр-са-
нааҕар, куккар-сүргэр иҥэрин уонна ону ситиспит дьоҥҥо үйэҥ тухары сүгүрүй!
Сүгүрүй — кинилэр ураты тулуурдарыгар, сэриигэ барбыт аҕаларын, убайдарын сол-
буйан утуйары умнан туран туох баар ыарахан үлэни үлэлээбиттэригэр, уоггаах сэрии-
гэ киирбит буойуннарга тулхадыйбат тирэх, өҕүллүбэт өйөбүл буолбуттарыгар!
А.В. Федотов,
Уус Ачдан улууһун баһылыга
3
