Page 12 - Сэрии кэмин оҕолоро 1 кинигэ

БААТА5АЙ нэһилиэгэ

«Министерство местной промышленности» бочуотнай кинигэтигэр киллэриллибитим.
Министерство, райком, райсовет элбэх Бочуотнай грамоталарынан, дипломнарынан,
сыаналаах бэлэхтэринэн үлэҕэ үрдүк көрдөрүүлэрим иһин наҕараадаламмытым. Бастыҥ
профком бэрэссэдээтэлин быһыытынан Культура министерствотытган, оройуоннааҕы
культура отделытган почетнай грамоталары, сыаналаах бэлэхтэри ылбытым. Майатааҕы
народнай хор тэриллиэҕиттэн сүүрбэччэ сыл ыллаабытым, «За вклад в развитие хорового
искусства» наҕараадаламмытым, Найахытааҕы народнай хор 50 сылынан үбүлүөйүнэй
знактаахпын, «Майа дойдум барахсан» знакгаахпын. Үлэ бэтэрээнэбин, «Сэрии сылын
оҕото» мэтээллээхпин. Улуус баһылыктара Артемьев Г.М., Птицын В.И. грамоталарынан
наҕараадалаабыттара. Майа бочуоттаах олохтооҕобун.
Бэйэм үс кыыс оҕолоохпун, 12 сиэннээхпин, 2 хос сиэннээхпин. Кэргэним 2006
сыллаахха күн сириттэн барбыта.

Готовцева Мария Гаврильевна

Аҕам Готовцев Гаврил Данилович 1940 сыллаахха өлбүтэ.
Ийэм Готовцева (Белолюбская) Татьяна Петровна, 80 сааһын
туолан баран, 1990 сыллаахха суох буолбута.
Сэрии саҕаланыытыгар биһиги Андылаахха олорор этибит.
Ийэм сайынын от оттуур, кыһынын от тиэйэр этэ. Андылаахха
Миичикэ кэргэнинээн Матырыастыын кыыстара Маайалыын
олороро. Оҕонньор балыктыыра, ону буһаран сиир этибит.
Туһаҕынан куобахтыыра. Уопсайынан Миичикэ ол ыар кэмнэр-
гэ балык, куобах бэрсэн биһигини наһаа абыраабыта. Кини
наһаа уус киһи этэ. От тэрилин барытын уһанара. Дьоннор са-
каастаан оҥортороллор эбит. Биһиги, кыра оҕолор, ньирэй хо-
муйарбыт. Сүөһү этэттээһинэ биһиги үлэбит буолара. Сонуок-
тан сиэмэ хомуйарбыт. Ону суорунаҕа тардан бурдуктууллар этэ. Убайым Баһылай, уол
оҕо буолан, суоруна тардара. Онтукатын кыайбакка суорунабыт мас дуу, таас дуу диэн
ийэтитгэн ыйытара. Андылаах урут бөһүөлэк буолан иһэн хаалбыт. Ыаллар Халдьаа-
йыга көһөн киирэннэр ыһыллыбыт.
Андылаах кэнниттэн Харыҥ Табыга баран олорбуппут. Онно олордохпутуна, Кургуом
кэргэнэ Мааппа бииргэ төрөөбүт быраата сэриитгэн эргиллэн кэлбитин өйдүүбүн. Гали-
фе ыстааннаах этэ, өйбөр ол эрэ хаалбыт. Оччолорго кулахы диэн баара, тулуйбаккабыт
хотоҥҥо тахсан утуйар этибит.
Сэрии бүппүтүн кэннэ 1946 сыллаахха Чараҥайга үөрэнэ барбыппыт. Ийэбит биһи-
гини үөрэттэрээри барсыбыта, оскуолаҕа остуораһынан үлэлээбитэ. Тыыннаах хаалбыт
саллааттар дойдуларыгар төннүтэлээбитгэрэ. Мин өйдүүрбүнэн, Чараҥайга олордохпу-
туна, Анньыыска оҕонньоро Тарскай Ньукулай диэн киһи сэрииттэн кэлбитэ.
Сэрии кэминээҕи олохтон итинниктэр эрэ өйбөр хаалбыттар.
Үлэ, тыыл бэтэрээнэбин, Баатаҕай нэһилиэгин Бочуоттаах олохтооҕобун, «1941-
1945 сс. Аҕа дойду Улуу сэриитин кэмигэр килбиэннээх үлэтин иһин» мэтээллээхпин.
Олунньу 16 күнэ, 2020 с.

Готовцева Мария Михайловна

Мин 1937 сыл от ыйын 12 күнүгэр Эрбэһин учаастагар төрөөбүтүм. Ийэм Назаро-
ва-Васильева Мария Васильевна, аҕам Назаров Михаил Иннокентьевич, саастарын
тухары холкуоска ийэм ыанньыксытынан, аҕам сылгыһытынан үлэлээбиттэр. Уон
биир саастаахпар 1948 с. Чараҥай оскуолатыгар үөрэнэ киирбитим, 1954 с. түөрт
кылааһы бүтэрэн баран, үөрэҕи ылбат буоламмын, «Чапаев» холкуоска үлэлии киир-

8