Page 10 - Сэрии кэмин оҕолоро 1 кинигэ

БААТАБАЙ нэһилиэгэ

Баатаҕай нэһилиэгэ

Белолюбскай Прокопий Прокопьевич

Мин Уус Алдан улууһун Баатаҕай нэһилиэгэр Чараҥай
таһыгар Илин Маралыкы алаас куулатыгар 1941 сыллаахха ба-
лаҕан ыйын 5 күнүгэр төрөөбүтүм. Ийэм — Екатерина Петров-
на, Аманатов Петр дьиэ кэргэниттэн төрүттээх, дьоно Туора
Сыһыы алааска төрөөбүттэр, онон мин төрүттэрим алаастарын
оттуу сылдьабын, онтон аҕам Прокопий Иванович Ньэккээйи
алааска дьадаҥы тыа ыалыгар төрөөбүтэ, холкуос араас үлэтигэр
үлэлээбитэ.
Мин, 1961-64 сылларга Советскай Армияҕа ыҥырыллан, Ха-
баровскай куоракка общевойсковой чааска 3 сыл устата сулуус-
палаабытым. Онтон кэлэн баран тыа хаһаайыстыбатын техни-
кумун лесной отделениетыгар үөрэнэн, техник-лесовод идэтин
ылан, төрөөбүт дойдубар Баатаҕайга кэлэн икки сыл үлэлээбитим.
1967 сыллаахха ахсынньы 12 күнүгэр кэргэмминээн Марфа Петровналыын харахпы-
тынан хайҕаһан, сүрэхпитинэн сөбүлэһэн ыал буолбуппут, биэс оҕону төрөтөн олох
киэҥ аартыгар атаардыбыт. Бары ыал буолан оҕолоохтор, сорохтор сиэннээхтэр уонна
норуот хаһаайыстыбатын араас үлэтигэр үлэлии сылдьаллар.
Улахан уолум Сергей, спорка мас тардыһыытыгар Саха Өрөспүүбүлүкэтин спор-
дун маастара, орто кыыһым Екатерина, спорка силовой көрүҥҥэ маастарга канди-
дат, мас тардыһыытыгар спорт маастара, билигин күрэхтэһиигэ кыттар, кыра уолум
Иван, спорт түөрт көрүҥэр спорт маастара: хайыһарга, многоборьеҕа, хапсаҕайга,
мас тардыһыытыгар, Дыгын оонньууларын сэттэ төгүллээх кыайыылааҕа, билигин
да спордунан дьарыктанар, аны улахан сиэним Владислав — национальнай көрүҥҥэ
спорт маастара.
Аҕам иккис кэргэниттэн Евдокия Федоровнаттан кыыс Ульяна Прокопьевна диэн
оҕолоох, балтым билигин Үлэ Кыһыл Знамята орденнаах П.Заболоцкай сопхуос кии-
нигэр Лөгөй нэһилиэгэр олорор. Кэргэнэ Петр Николаевич Готовцев, Баатаҕайтан
төрүттээх, икки уол, биир кыыс оҕолоохтор.
Мин лесхозтан уурайан баран, Баатаҕайга аҕыс сыл устата тутууга үлэлээбитим, ол
курдук детсад, кулууп, котельнай дьиэтин, депону тутуспутум, тутуу биригээдэтин би-
ригэдьииринэн сылдьыбытым. Онно Романов Петр Гермогенович тутуу маастара этэ,
ол кэннэ Кэптэнигэ 14 сыл устата тутууга үлэлээбитим, 10 сыл устата бааһынай ха-
һаайыстыба тэринэн пенсияҕа тахсыбытым.
Кэргэним Марфа Петровна Баатаҕайынан, Кэптэнинэн кылаабынай ветвраһынан,
профкомунан, сүөһү биригэдьииринэн үлэлээбитэ. Олохтоох совет депутатынан элбэх
сыл талыллан үлэлээбитэ.

6