Page 11 - Сэрии кэмин оҕолоро 1 кинигэ

БААТАБАЙ нэһилиэгэ

Мин 70 сааспар «Баатаҕай нэһилиэгин Бочуоттаах олохтооҕо» ааты иҥэрбиттэрэ.
2014 сыллаахха өрөспүүбүлүкэ «Ытык аҕа» бэлиэнэн наҕараадалаабыта. Кэргэмминээн
«За любовь и верность» знак ылбыппыт.
Сэрии кэмин кылгастык кэпсээтэххэ маннык.
Сэрии кэнниттэн олох ыарахана биллэрэ кимиэхэ барытыгар өйдөнөр. Ол курдук
бурдук кыра буолан, лэппиэскэни иэдьэгэй (аһыйбыт үүтүнэн) оҥорон былыыллара,
онтуктара бытарыйан тохто сылдьара. Аны ыһыы сиэмэтин хас биирдии ыалга ыраас-
тата биэрэллэрэ. Ону остуолга кыра гына тэлгэтэн ыраастыырбыт. Арыгыны, биир
буокканы, хас да ыалга холбоон биэрэллэрэ, улахан бырааһынньыкка.
Чараҥайга үөрэнэ сылдьан, аһыыр аспытын хас нэдиэлэ аайы дьонум кыстыыр
сирдэриттэн сатыы баран аҕаларбыт. Уопсай балаҕаҥна олорон үөрэнэрбит.
Урукку оҕолор илии үлэтинэн иитиллибит буолан ордук курдук. Тоҕо диэтэргит,
оттоон-мастаан айылҕаны кытта алтыһан уонна бириэмэни туһалаахтык атаара үөрэм-
миппит.
Билигин үлэ бэтэрээнэбин.
2017 с. кулун тутар 28 күнэ

Готовцев Петр Петрович
Мин 1941 сыллаахха балаҕан ыйын 1 күнүгэр Уус Алдан
оройуонун Баатаҕай нэһилиэгин Биэттэ бөһүөлэгэр төрөөбүтүм.
Ийэм Раиса Григорьевна Романова, аҕам Петр Игнатьевич
Готовцев, иккиэн Баатаҕай нэһилиэгин олохтоохторо. Ийэм
пенсияҕа тахсыар диэри холкуоска ыанньыксыттаабыта. Тоҕус
оҕоттон улаханнара буоламмын, тоҥууну-хатыыны, ыарыыны,
аччыктааһыны, тиийиммэт дьадьаҥы олоҕу олорон, оскуолаҕа
хойутаан, 1950 сыллаахха киирбитим. Ыарыы, үөрэҕи көтүтүү,
мөлтөхтүк үөрэнии, кылаастарга хаалыы түмүгэр, 1960 сыл-
лаахха 7-с кылааһы бүтэрэн, үөрэххэ кыайан барбакка, комсо-
мол ыҥырыытынан уолаттары хотоҥҥо субай сүөһүнү көрүүгэ
ананан, ыччат-комсомольскай ферматыгар үлэлии барбыппыт.
Правление көҥүллээн, куоракка суоппар идэтигэр үөрэнэ киир-
битим. 1965 сыллаахха суоппар идэтин ылан, Газ-51, Газ-63 мас-
сыыналарга суоппардаабытым. Ол сылдьан Намҥа киэһээҥҥи
оскуолаҕа үөрэнэн, орто үөрэҕи бүтэрбитим. 1973 сыллаахха кэтэхтэн Өлүөхүмэтээҕи
тыа хаһаайыстыбатын техникумун бүтэрэн, «автомеханик-электрик сельского хозяй-
ства» диэн идэни ылбытым. 1975 с. Намнааҕы промкомбинакка пилорамгцигынан үлэ-
лээбитим. 1976 сыллаахха Дегтярева Лидия Николаевналыын холбоһон ыал буолбуп-
пут, онтон Хатастааҕы монтажниктар биригээдэлэригэр электригинэн, сварщигынан
үлэлээбитим. 1977 сьшлаахха Мэҥэ Хаҥалас оройуонугар көһөн кэлэн, Майатааҕы
промкомбинакка пилорамщигынан киирбитим, онно алта сыл тухары ситиһиилээхтик
үлэлээбитим, оройуон чемпионун үрдүк аатын ьшбытым. 1983-1988 сылларга лесо-
маастарынан, 1988-1993 лесомастер автомеханигынан, 1993-1994 сс. дириэктэри солбу-
йааччынан, 1994-1999 сс. «Майа-мебель» дириэктэринэн үлэлээбитим.
1999 сыллаахха олохтоох промышленноска, бочуотгаах сынньалаҥҥа барыам иннинэ
тэрилтэбин эспэккэ, ол кэмнээҕи улуус баһылыгынаан Георгий Михайлович Арте-
мьевтыын мунньахтаан баран, олохтоох муниципальнай бас билиигэ киллэртэрбитим.
Ол иһин тэрилтэбит күн бүгүнүгэр диэри үлэлии-хамсыы турар. Бириэмэтигэр сөптөөх
быһаарыныы ылбыппытыттан астынабын. Үлэлээбит сылларбар үлэҕэ ситиһиилэрим
иһин «Ударник коммунистического труда», «Победитель соцсоревнования», «Чемпион
района», портретым «Аллея трудовой славы» оройуоннааҕы музейга туруоруллубуттара,

7