Page 192 - Уйбаан Бахсылыырап. Сэрии кэмин оҕолоро - эйэлээх олох уустара
P. 192
нан дьарыктаныы, ГТО, БГТО нуормаларын толоруу булгуччулаах курдук
буолара. Ол да иһин Григорий Дьячковскай 1962 сыллаахха 1 №-дээх ДьПУ
физкультурнай отделениетыгар туттарсан үөрэнэ киирбитэ.
Сэрии иэдээнэ кыракый Ааныс үрдүнэн эмиэ кэлбитэ. Калинин аатынан
колхоз төһүү үлэһитин Павлов Степан Тимофеевич кэргэнэ Харитина Дмит-
риевна 1941 сыл тохсунньу 7 күнүгэр уол оҕону төрөппүтэ. Ийэлэрэ барахсан
уолун үүтүнэн эмсэхтиир дьылҕата суох эбит этэ. Оччотооҕуга, эмчит да ахса-
аннаах кэмигэр, Харытыан барахсан оҕолоноругар хаана баран, күн сириттэн
күрэнэн, оҕолорун тулаайах хаалларбыта. “Сор соҕотох буолбат” дииллэри-
нии, аны уоттаах сэрии саҕаланан, Степан Тимофеевиһы сэрии маҥнайгы
сылыгар армияҕа бэбиэскэлээн илдьэ барбыттара. Оччотооҕу кытаанах сокуон
уу кырбас оҕолордоох огдообо хаалбыт киһини аһымматаҕа. 1942 сыллаахха
“сураҕа суох сүттэ” диэн биллэрии кэлбитэ. Оо. дьылҕа сороҕор киһи барах-
саҥҥа кытаанах да өттүктээххин! Үстээх Ааныс, аҕатын ааттатыахтаах биирин
саҥа ааһан эрэр Степа төгүрүк тулаайах хааллахтара ол.
“Инчэҕэй тирбэҕэ быстыбатынан”, олох салҕанар анала тосхойон, оҕолору
аҕаларын инитин Роман Тимофеевич Павлов (кини эмиэ 1941 сыллаахха сэ-
риигэ барбыта) кэргэнэ, саҥастара Анна Петровна Бурцева, бэйэтигэр иитэ
ылбыта. Дьылҕа оҕолорго өссө биир тыйыс охсууну оҥорбута. Ааныс кыыс
аҕыс саастааҕар аны саҥастара Анна Петровна эмиэ ыар ыарыыттан суох
буолбута. Нэһилиэк салалтата оҕолору детдомнарынан тарҕатаары сүбэлэһэ
олордоҕуна, тастыҥ эдьиийдэрэ Лугинова Ирина Николаевна кэлэн, бэйэти-
гэр иитэ ылбыта. Онон кыһынын оҕолор госинтернакка олорон үөрэнэн,
сайынын эдьиийдэрин Өрүүнэни кытта эҥэрдэһэн, сүөһү-ас көрсөн, окко
үлэлээн борбуйдарын көтөхпүттэрэ. Ити курдук Аня Павлова Мүрү орто ос-
куолатын бүтэрэн, икки сыл Тулунаҕа сүөһү үлэтигэр үлэлээбитэ. Ол кэннэ
Бүлүү педучилищетыгар туттарсан киирэн ситиһиилээхтик үөрэнэн, 1965
сыллаахха бүтэрэн, “Алын сүһүөх кылаас учуутала” диэн дипломнаах үлэһит
аатын ылбыта.
Олохпут үөрүүтэ — оҕолорбут
Мүрү оскуолатыгар бииргэ үөрэммит икки тулаайах дьон Гришалаах Аня
оҕо эрдэҕинээҕи доҕордоһуулара таптал уотун күөдьүппүтэ. Онон эдэр дьон
1965 сыллаахха олохторун холбообуттара. Ол кэмтэн түөрт уонтан тахса сыл
ааһа оҕуста. Аан Ийэ айылҕалара Григорий Константиновичка, Анна Степа-
новнаҕа “оҕо эрдэххитинэ эрэйи-буруйу, кыһалҕаны көрбүккүт, онон саатар
аал уоту кыттыһан күөдьүппүт олоххутугар дьоллоох буолуҥ!” диэбиттии,
Иэйэхсит эдьиийдэрэ кинилэргэ икки уол, икки кыыс оҕону бэлэхтээбитэ.
Мин бу суруйуубун “Олоҕу киһи бэйэтэ оҥостор” диэн мээнэ ааттааба-
таҕым. Ол курдук эдэр ыаллар холбоһуохтарыттан ыла сүбэнэн олох олорон
кэлбиттэрин маннык түгэннэртэн да көрүөххэ сөп. Төрөппүт ийэ, аҕа сылаас
тапталын билбэтэх Гриша уонна Аня бэйэлэрин оҕолоругар төрөппүт киһи
сүрэҕинэн, дууһатынан биэрэр тапталын барытын биэрэ сатаабыттара. Оҕоло-
рун атаахтаппакка, үлэҕэ, үөрэххэ тардыһыылаах буолар гына ииппиттэрэ.
Анна Степановна аҕата сэриигэ тиийэн уот холорук ортотугар суорума
суолламмыт буолан, аҕатын аатын ааттата сылдьаары эргэ да тахсан баран
араспаанньатын уларыттарбатаҕа. Аны бастакы күнү көрдөрбүт оҕолорун
Грианы эмиэ Павловынан сүрэхтээбиттэрэ. Онон сэрии уотугар, кыргыс то-
лоонугар охтубут буойун Павлов Степан Тимофеевич аата сиэннэригэр тии-
йэ кэлэн сүппэт-симэлийбэт дьылҕаланна. Анна Степановна бииргэ төрөөбүт
инитэ, “ССРС кинематографиятын туйгуна”, Саха Республикатын киинэ-
188
