Page 187 - Уйбаан Бахсылыырап. Сэрии кэмин оҕолоро - эйэлээх олох уустара

Ийэбит Анастасия Романовна аҕабытынаан Артем Николаевичтыын наһаа
иллээхтик-эйэлээхтик 37 сыл бииргэ олорбуттара. Кинилэр бэйэ-бэйэлэрин
сүрдээҕин өйдөһөр, ытыктаһар этилэр. Биһиги оҕо эрдэхпитинэ күнүстэри-
түүннэри кэлэр электричество уота суоҕа. Үксүн чүмэчинэн олорорбут. Кэ-
лин дизельнэй станциянан чааһынан кээмэйдээн уот биэрэр буолбуттара. Бу
сырдыгын, үчүгэйин! Бырааһынньыктарга биир-икки чаас уһуннук биэрэл-
лэрэ.
Ийэбит бөһүөлэк общественнай олоҕор актыыбынай кыттааччынан буо-
лара. Аҕабытынаан биир мунньаҕы көтүппэттэр этэ. Ийэбит зонанан ( түөлбэ-
нэн) үлэҕэ, бырааһынньыктааҕы кэнсиэрдэргэ өрүү кыттара, соҕотоҕун да,
ансамблга да ыллыыра. Күүстээх үлэ кэнниттэн элбэх оҕону аһатан-сиэтэн,
дьиэтин-уотун көрөн-истэн хайдах барытыгар тииһинэрин билигин сөҕө эрэ
саныыбын.
Аҕабыт да, ийэбит да холкуоска, сопхуоска утуйар ууларын умнан туран
үлэлээбиттэрэ, элбэх көмүс көлөһүннэрин тохпуттара. Аҕабыт адьас оҕо эр-
дэҕиттэн тулаайах хаалан эрэйи эҥэринэн тэлэн улааппыт, сэрии сыллары-
гар Чурапчыны күүс өртүнэн көһөрүүгэ сылдьыбыт киһи этэ. Элбэх оҕолоох
да буоллаллар күүстээх үлэттэн илиилэрин араарбатах аҕалаах ийэбитигэр,
кинилэр үлэлэрин сыаналаан,кырдьар саастарыгар улуус киинигэр дуу, Дьо-
куускайга дуу мун саатар биир хостоох дьиэни биэрбиттэрэ буоллар төһөлөөх
үөрүө эбиттэрэ буолла. Төрөппүттэрбит Герой Егоров аатынан холкуоска,
сопхуоска үчүгэйдик үлэлээбиттэрин элбэх грамоталара, хайҕал суруктара
туоһулуур. Ол эрээри үөһэ ахтыбытым курдук, кинилэр үлэлэрэ ситэ сыана-
ламматаҕыттан, боччумнаах көмө он оһуллубатаҕыттан хомойобун.
Аҕабыт Шапов Артем Николаевич, ийэбит Анастасия Романовна сэрии,
сут кыһарҕаныттан онно эбии күүстээх үлэ кыһарыйан, доруобуйалара алла-
рыйан кылгас үйэлэммиттэрэ, бу орто дойду олоҕуттан күрэммиттэрэ. Ол
эрээри кинилэр ааттарын биһиги, оҕолоро, элбэх сиэннэрэ, ааттата сылдьа-
быт. Биһиги кэнчээри ыччаттарбыт кинилэр ааттарын ытыктабыллаахтык
ахта-саныы сылдьыахтара диэн эрэнэбит!

Евдокия Ушницкая, улахан кыыстара,
2012 с., Танда

ОЛ БУОЛУО олох дьоло

Өтөхтөр!.. Өтөхтөр кэм-кэрдии кэрэһитэ буолан тутууларгыт кубарыһа
хатан, үгүскүт алаас халдьаайытыгар, сороххут куулатыгар иҥнэл-таҥнал
түһэн, эбэтэр сэмнэххит эрэ ордон тураахтыыгыт. Оо, хаһан эрэ былдьаһык-
таах быраман дьыллар мындааларыгар бу алаас сыһыытыгар сыспай сиэллээх
сырыырҕаатаҕа, өтөҕүн тиэргэнин таһыгар ынах сүөһү тоҕуорустаҕа. Ол бэйэтэ
билигин соҕотох сэргэ ордон: “Хаһан эрэ манна олох баара...” — диэх курдук
чуумпуга соҕотоҕун иһийэн тураахтыыр...
Кубалаах диэн кэрэ ааттаах алааска Лэгэнтэй Сиипсэп Маайа Өлөк-
сөндүрүөбэни сүгүннэрэн аҕалыаҕыттан үйэттэн лаппа ордук кэм ааһа охсу-
бут эбит. Груня кыыс бу ыалга холкуостааһын саҥа саҕаланан эрдэҕинэ үһүс
оҕонон күн сирин көрбүтэ. Лэгэнтэйдээх Маайа оччотооҕу олох ирдэбили-
нэн сүөһүлэрин уопсайга холбоон холкуоска киирэн үлэлээн-хамсаан бар-
быттара. Ити үлэлии сылдьан Мария Иннокентьевна (номоххо киирбит
Күүстээх Уйбаан инитин кыыһа) кыра кыыһа Грунята саҥа биирин ааһан
183