Page 190 - Уйбаан Бахсылыырап. Сэрии кэмин оҕолоро - эйэлээх олох уустара

лэрин таһынан оччотооҕу ирдэбилгэ сөп түбэһиннэрэн, “политинформатор”
диэн уопсастыбаннай үлэлээҕэ. Фермаларга, ходуһаҕа күүтүүлээх ыалдьы-
тынан буолара. Ол сылдьан оҕо-эдэр эрдэҕиттэн сөбүлүүр дьарыгынан өйтөн
хоһоон ааҕан дьон биһирэбилин ылыан ылара. Аграфена Иннокентьевна аҕыс
уон сааһыгар сабырытйтарбакка, иҥнигэһэ суох күн бүгүн, түгэн эрэ көһүннэр
хоһооннорун доргуччу ааҕа сылдьар.
Дьылҕа хаан ыйааҕа буоллаҕа! Аны кэлэн атыннык туох диэн ааттыаҥ
баарай. Эдьиий Груня сааһын тухары соҕотоҕун сылдьан сорсуйан эрдэҕэ.
Бастакы иэйиитин, баҕар, тапталын да буолуо, таҥнарбыттара. Онтон саҥа-
лыы олох оҥосто да сатаабатаҕа. Ол эрээри Аграфена Иннокентьевна олоҕун
былаһын тухары дьон ортотугар сылдьан кэллэ. Дөрүн-дөрүн да буоллар бал-
тын Варвара Афанасьевна Сивцева-Березкина оҕолоро билсэн-көрсөн ааһал-
лар. Ол эрээри дьон ортотугар сылдьыбыт киһи дьоҥҥо тардыһар. Ол иһин
Курбуһахха кырдьаҕастар интэринээт-дьиэлэригэр бараары ыҥырыы күүтэ
олорор.
«Сааһыран олорон, соҕотох сэргэ курдук куура хаттым. Хойутаан кэм-
симмит иһин, хайыаҥ баарай? Эдэр, эмньик саас аны эргиллибэт! Эдэрдэр,
олох суолугар саҥа үктэммиттэр, биһиги алҕастарбытын хатылаамаҥ! Чөл,
чэгиэн-чэбдик олоҕу тутуһуҥ! Ыал-күүс буолан оҕолонуҥ-урууланыҥ, удьуо-
ру ууһатыҥ. Ол буолуо олох дьоло!» — диэн Аграфена Иннокентьевна ааспыт
уһун олоҕун бары эндирдэрин киэр хаһыйан, ыччаттарга сырдык, ыраас кэс
тылын этэр.
Ыччат, Ытык киһи тылларын долоҕойгор тохтот дуу!

2010 сыл сэтинньи

Мин, А.И.Сивцеваны көрсөн, кэпсэтэн суруйбут бу суругум “Муру саһар-
ҕат а” хаһыакка 2011 сыл тохсунньу 14 кунугэр тахсыбыта. Эдьиий Груня су-
руйтарар хаһыатын тутаат, ааҕан, Кэптэниттэн төлөпүөнүнэн кэпсэтэн мах-
диэхтээ-
таммыта: “Хос-хос аахтым, сыттыгым анныгар укта сытабын, ” —
битэ. Куһун балаҕан ыйыгар Кэптэнигэ “Умнуллубатын кинилэр дьоһун олохто-
ро ” диэн кинигэм сүрэхтэниитигэр кэлэн кыттыыны ылбыта, угэһинэн кэпсээн-
ипсээн, хас да хоһоону ааҕан барбыта. Киһи олоҕун иннин хаһан тымтыктанан
— Эдьиий Груня дьоҥҥо-
көрбутэ баарай. Ол эрээри бу Аграфена Иннокентьевна
сэргэҕэ бүтэһик тахсыыта буоларын сэрэйбит курдук, этиитин, хоһооннорун
диктофоҥҥа уһултаран ылбытым.
Эдьиий Груня тулаайахсыйыы муҥуттан, кыаммат кыһалҕаттан баҕар-
быт, дьулуспут кырдьаҕастарын дьиэтигэр Курбуһахха миэстэ суох буолан кыа-
йан барбакка, өлөр ыарыытыгар охтубута. Баран көрсө сылдьыбытым да, иһит-
тэн саҥата тахсыбат буолаахтаабыт этэ. Сэрии суоһар сылларын биир оҕото,
тулаайаҕа ити курдук олох олорон аастаҕа. Кырдьаҕас сэргэ алаас саҕатыгар
соҕотоҕун да турдар, хаһан эрэ манна олох күөстүү оргуйбутун, дьон-сэргэ
олорон ааспытын санатар... Ол курдук Эдьиий Груня аата Лөгөй нэһилиэгин
дьонун өйугэр-санаатыгар умнуллан сутэн-оһон хаалыа суоҕа!

Уйбаан Бахсылыырап, 2012 с.

186