Page 191 - Уйбаан Бахсылыырап. Сэрии кэмин оҕолоро - эйэлээх олох уустара

ОЛОҔУ КИҺИ БЭЙЭТЭ ОҤОСТОР

Уус-Алдан оройуонугар Лөгөй нэһилиэгэр отуттан тахсалыы сыл оҕону
уөрэтиигэ-иитиигэ улэлээбит кэргэннии учууталлары Г.К.Дъячковскайы,
А.С.Павлованы билбитим син хас да уонунан сыл буолла. Бу үлэни өрө
туппут сэмэй саха ыала урукку өттугэр бэчээккэ суруллубутун билбэп-
пин. Онон быйыл “Дъиэ кэргэн сыла ” биллэриллибитинэн, суруйар идэлээх
киһи, бу чөл олохтоох, спорду өрө туппут уонна нэһилиэк уопсастыбаннай
олоҕуттан баччааҥҥа диэри туора турбакка сылдьар дъиэ кэргэни сырда-
тар, суруйар санаалаах кинилэр дьиэлэригэр анаан-минээн сырыттым.

Тулаайахсыйыыны тулуйан, олоххо тардыһыы
Олох ыарахаттарын эттэринэн-
хааннарынан эрэ буолбакка, дууһала-
рынан, сүрэхтэринэн дириҥник
ылыммыт дьон, алаһа дьиэ тэринэн,
оҕо-уруу төрөтөн, үлэ үөһүгэр, дьон
ортотугар сырыттахтарына, кинилэр
бу олохторун хайдахтаах курдук күүс-
тээх санааларынан ситиспиттэрин
туораттан көрө сылдьан сэрэйбэккин
даҕаны.
Чурапчы оройуонун Кытаанах нэ-
һилиэгэр Көстөкүүн уонна Дьэбдьиэй
Дьоскуоскайдар, син атын колхозтаах-
тар курдук икки хараҥаны быысаһыннаран үлэлииллэрэ. Оччолорго ас-та-
ҥас чычырбас, эмп-томп суоҕун кэриэтэ буоллаҕа. Онно эбии сэрии, уот
кураан, сут даҕаһан элбэх колхозтаах аһыыр-аһаабат күннэрдэнэн, ыарахан
үлэҕэ сылдьан эрдэ үйэлэммиттэрэ. Кыракый Гриша аҕата Көстөкүүн, уол
түөрт, оттон ийэтэ Дьэбдьиэй, оҕото алта саастааҕар күн сириттэн күрэм-
миттэрэ. Инньэ гынан Гриша аччыгый убайынаан Миитэрэйдиин 1945 сыл-
лаахха Мындаҕаайы детдомугар иитиллэ барбыттара. Сэрии кэнниттэн буо-
лан, тулаайахсыйбыт, эрэйи-муҥу көрбүт оҕо элбэҕэ. Билигин кэлэн тугу
кистэниллиэй, аччык аҥаардаах сылдьыы кыһалҕата кыраларга-кыамматтарга
ордук охсуулаах этэ. Күүстэринэн да өттөйөөччүлэр көстөллөрө. Хата, Гриша
убайа Миитэрэй баар буолан дьон тэҥинэн сылдьыбыта уонна кыра эрдэ-
ҕиттэн бэйэтин иннин бэйэтэ көрүнэ үөрэммитэ. Ити курдук кэлин Мэҥэ-
Хаҥалас Хаптаҕайыгар эмиэ детдомҥа, 1953 сыллаахха төрөөбүт Килэҥкити-
гэр госинтернакка олорон үөрэммитэ.
Уус-Алдан оройуонугар Мүрүгэ МТС-ка үөрэнэн тракторист идэлэммит
улахан убайа Николай Константинович бу дойдуга олохсуйбута уонна быраа-
тын Гришаны бэйэтигэр ылбыта. Онон Гриша Дьячковскай 1959 сыллаахха
Мүрү оскуолатын үөрэнэн бүтэрбитэ. Оччолорго “Оскуола-производство-үрдүк
үөрэх” диэн саҥа үөдүйэн эрэр кэмэ этэ. Инньэ гынан орто үөрэҕи бүтэрбит
уол Өспөх нэһилиэгэр Дыгдалга библиотека сэбиэдиссэйинэн, Найахыга ку-
луупка баяниһынан үлэлээбитэ. Ити сылдьан төрөөбүт дойдутугар Чурапчы
оройуонун Кытаанах нэһилиэгэр тиийэн Килэҥки кулуубугар киинэ мото-
ристаабыта. Гриша Дьячковскай үөрэммит да оскуолаларыгар, үлэлээбит да
сирдэригэр спорка чугас киһи этэ. Ол курдук оччолорго чэпчэки атлетика-

187