Page 209 - Уйбаан Бахсылыырап. Сэрии кэмин оҕолоро - эйэлээх олох уустара

ҮБҮЛҮӨЙГЭ АНАММЫТ СҮҮРҮҮ

Уус-Алдан улууһун Хоро уонна Лөгөй нэһилиэктэрин бочуоттаах олох-
тооҕо, үлэ, спорт бэтэрээнэ, чөл олох тулхадыйбат уһуйааччыта, отуттан
тахса сыл массыына уруулуттан илиитин араарбатах И.А.Стручков 70 сааһын
сиэлэ сылдьан бэлиэтиир күнүгэр аҕыс улуустан, Дьокуускайтан сүүрүүнү
өрө туппут 34 бэтэрээн диэн аатырбыт дьон мустан илин-кэлин түһүстүбүт,
үөрдүбүт-көттүбүт, эҕэрдэ эриэкэс тылларын эттибит-тыынныбыт.
Иван Афанасьевич бэйэтин кэмигэр улууһугар, ону ааһан республикаҕа
да биллэр хайыһардьыт, велосипедист, стайер буоларын бүгүн да итэҕэттэ.
Үөлээннээхтэрин кытта сүүрэр суолга тахсан, көс аҥаара сири бэрт чэпчэки-
тик элэстэнэн кэллэ. Бүлүү быһыйа Альберт Софронов “кыһыҥҥы крос-
смен” буоларын бу да сырыыга көрдөрдө. Кими да иннигэр түһэрбэтэ, 7
километры 26 мүнүүтэнэн түмүктээтэ. Биэстии сылынан араарыллыбыт
бөлөхтөргө Екатерина Драгунова (Чурапчы), Анастасия Кривошапкина (Дьо-
куускай), Валентина Доргуева (Таатта), Ирина Дегтярева (Дьокуускай), Ма-
рия Неустроева (Мэҥэ Төхтүрэ), Светлана Винокурова (Нам), Зинаида Анд-
реева (Чурапчы), Андрей Бурнашев (Нам), Иван Пермяков (Чурапчы), Петр
Пестряков, Степан Лыткин, Артур Корякин, Семен Назаров, Егор Артамо-
нов (бары Дьокуускайтан) бастаатылар.
Кыайыылаахтар юбиляр хаартыскалаах кыһыл көмүс мэтээллэрин иилин-
нилэр, сыаналаах бириистэри тутан үөрдүлэр. Үс иһигэр киирбиттэр эмиэ
илии тутуурдаах тарҕастылар. Үбүлүөйдээх күрэхтэһиини тэрийии сүрүн но-
ҕорууската Иван Афанасьевич оҕолоругар, күтүөттэригэр тиксибитэ сэрэйил-
лэр. Бары: (4 кыыс, 2 уол үлэһит, ыал буолан араас улуустарга оҕо-уруу
төрөтөн ньир-бааччы олороллоро төрөппүттэрин үөрдэр эрэ буоллаҕа.
Сып-сылаас культура киинигэр сценаҕа юбиляры сымнаҕас олбоххо олор-
дон биир дойдулаахтара, ыалдьыттар эҕэрдэ эгэлгэтин, барҕа махталларын
эттилэр. Ыраахтан ыҥырыллыбыт ыалдьыттар итии чэйдээх, саха омук төрүт
аһынан толору тардыллыбыт сандалы тула түмсэн ас арааһын амсайдылар,
өссө өйүө тутуурдаах, ырыа аргыстаах, сотору эмиэ көрсөр санаалаах тарҕас-
тылар.
Степан Лыткин,
спорт бэтэрээнэ

СТРУЧ КОВТАР — ДЬОҺУН ЫАЛ
Улууспут хаһыатыгар “Дьиэ кэргэн сылыгар" (2008 сыл) анаан анал
балаһаларга, дьиэ кэргэн быһыытынан холобурга сылдьар, нэһилиэккэ,
бөһуөлэккэ ытыктанар дьоннор тустарынан элбэх ыстатыиалар, ахтыы-
лар бэчээттэммиттэрэ. Улууска биллэр селькор, РФ суруналыыстарын со-
юһун чилиэнэ, кулыпура уонна спорт эйгэтин ахсаабат сырдатааччыта,
кэптэнилэр эмиэ мааны кийииттэрэ У.И.Бурнашева Иван Афанасьевич уонна
Анна Прокопьевна Стручковтар дьиэ кэргэттэрин туһунан суруйбута.
Сыллар ааспыттарын иннигэр суруллубут суоруллубат, онон бу суруйууну
кытта толору билсиэҕинг.

Ааныс уонна Уйбаан бэйэ-бэйэлэригэр ананан төрөөбүт курдуктар. Сыр-
дык ыраас хаанныын, быһыылыын, туттуулуун-хаптыылыын. Ол да иһин
майгыннаһар кэргэнниилэр дьоллоох буолаллар диэн сөпкө даҕаны этэллэр.
Дьиэ иһэ-таһа дьиэлээх хаһаайыннартан тутулуктаах дииллэрэ кинилэр
тиэргэннэриттэн көстөр. Тиэргэҥҥэ киирээти тупсаҕай тутуулаах улахан, кыра

205