Page 206 - Уйбаан Бахсылыырап. Сэрии кэмин оҕолоро - эйэлээх олох уустара

ДЭГИТТЭР СПОРТСМЕН
Е.Ф.Габышев Чараҥ оскуолатыгар үлэлии сылдьан
спорка тапталы уһуйбут үөрэнээччитэ Иван Афана-
сьевич Стручков 58 сааһыгар да сырыттар, хайы-
һардыырын тохтоппокко араас күрэхтэһиилэргэ кыт-
тан кэллэ. Иван Афанасьевич Габышевка үөрэнэн хай-
ыһардьыт буолбутун олус үчүгэйдик саныыр. Кини
күрэхтэһиилэргэ кыттарын көрөн, устан иһэр курдук
олус саталлаахтык тэбэрэ үрдүк техникалаах хайы-
һардьыт буоларын итэҕэйбитим, астыммытым. Ити
Габышев оскуолатын барбыта харахха быраҕыллара.
Чараҥ оскуолатын бүтэрэн Мүрүгэ икки сыл үөрэм-
митэ. Оччотооҕу кэмҥэ күрэхтэһии буоллар эрэ
оҕолуун, улаханныын көтүппэккэ көрөллөрө. Ваняны
үчүгэй техникалааҕын үгүс киһи сөбүлүү көрбүтэ, кэс-
киллээх хайыһардьыт үүнэрин сылыктаабыттара. Онтон салгыы Бэрт-Ууһугар
аймахтарыгар Маайа, Миитэрэй Стручковтарга олорон үөрэҕин салҕаабыта.
Спордунан утумнаахтык дьарыгырар киһи хайа көрүҥҥэ умсугуйбатаҕа
баарай, Ваня аны велосипед спордунан сөбүлээн дьарыгырбыта. Бу көрүҥҥэ
оҕолорго оройуоҥҥа хас да төгүл бастаабыта. Онтон салгыы “Урожай” ДСО
оҕолорго республикатааҕы күрэхтэһиитигэр икки төгүл бастаабыта. Ити кэмҥэ
Сыырдаахха тустуу саҥа күөдьүйэн эрэрэ. Эдэр дьон манна күүскэ дьарыкта-
нан барбыттара. Ваня эмиэ хаалсыбатаҕа. Ол түмүгэр 52 кг оройуоҥҥа иккис
миэстэлэнэр. Сыырдаахха үөлэҥ алааска ыһыах ыһыллыбыта. Ыһыахха ве-
лосипедынан күрэхтэспиттэригэр Н.Н.Стручков бастаабыта, Иван Стручков
иккис, Григорий Петров үһүс буолбуттара. Тустууга күрэхтэһии буолбутугар
Иван Стручков 52 кг барыларын кыайан бастаабыта. Өлтөх аатырар хапса-
ҕайдьыта Кеша Жирков (Киэскэйдээ) иккис буолан кыһыйбыта аҕай. Кэлин
Ваняны көрүстэҕинэ оонньуу оҥостон тустуохха эрэ диэн хаадьылыыра. Итиннэ
үһүс миэстэни Курбуһахтан Трулин-Пляскин ылбыта. Сыырдаахтар ити
ыһыахха бастаабыттара.
Ыһыах кэнниттэн оройуоҥҥа киирэн велосипедынан сырсыыга Борис
Иванов кэнниттэн иккис буолбута. Черкашин Афонялыын Бориһы эккирэ-
тэн көрбүттэрэ да, ипподромҥа финишкэ Борис уруттаабыта. Велосипедка
хамаанданан сыырдаахтар иккис буолбуттара.
Ваня кэлин аны атаҕынан сүүрүүнэн дьарыгырбыта, оройуоҥҥа оҕолор-
го 1500 м, 3000 м дистанцияларга иккис, үһүс миэстэлэммитэ. Ваня Стручков
1961-1964 сылларга армияҕа ыҥырыллан Челябинскай уобаласка спортротаҕа
сулууспалаабыта. Онно байыаннай чаас 50 км хайыһарга сүүрүүтүгэр иккитэ
кыайбыта. Сулууспалыы сылдьан хайыһарга бастакы, сүүрүүгэ иккис, ытыыга
иккис разряд нуормаларын толорбута.
И.А.Стручков 1966 сыл Саха АССР норуоттарын V юбилейнай Спартакиа-
датыгар 50 км велосипедынан сырсыыга Б.Иванов кэнниттэн иккис миэс-
тэҕэ тахсан сүҥкэн ситиһиилэнэр. Ити сыл күһүнүгэр Дьокуускай — Нам —
Хатырык — Хомустаах — Дьокуускай маршрутунан велосипедынан сырсыыга
Борис Иванов, Иван Стручков, Анатолий Находкин, Михаил Бурцев, Иван
Жирков састааптаах Уус-Алдан хамаандата бастаабыта. Биирдиилээн түмүк
тахсыбытыгар Анисимов Лева ( Покровскай ) — I миэстэ, Иванов Борис — II
миэстэ, Стручков Иван уонна Бурцев Михаил тэҥ бириэмэлээх буолан III-
IV миэстэлэри ыланнар, иккиэннэрин пьедесталга таһаараннар үөрүү өрөгөйүн
билбиттэрэ.
202