Page 214 - Уйбаан Бахсылыырап. Сэрии кэмин оҕолоро - эйэлээх олох уустара

Дьэ мантан да көстөрүнэн, И.А.Стручков төһө да сааһырдар тэппит ата-
ҕын кубулуппакка, төһө кыалларынан күрэхтэһиилэри көтүппэккэ саастыы-
лаахтарын, бэл эдэрдэри кытта илин-кэлин түсүһэ сылдьар. Эттэххэ дөбөҥ,
50 сыл спордунан утумнаахтык дьарыгырыы хас киһи ахсын кыайтарбат.
Онтон Иван Афанасьевич сааскы, сайыҥҥы ардаҕы, күһүҥҥү өксүөнү,
кыһыҥҥы тымныыны аахсыбакка атаҕынан эбэтэр хайыһарынан хайаан да
сүүрэр, этин-хаанын чэбдигирдэр. Ол да иһин кини курдук дьону “спорт
дьиҥнээх пропагандиһа” диэн эрдэхтэрэ.
И.А.Стручков кыргыттара оҕо сылдьан аҕаларын суолун батыһан эмиэ
сүүрэр, хайыһардыыр этилэр. Алексей Данилов Иван Афанасьевич туһунан
“Дэгиттэр спортсмен” диэн суруйуоҕуттан 12-н тахса сыл ааһа охсубут. Олох
биир сиргэ турбат. Онон И.А.Стручков оҕолорун бүгүҥҥү күннээҕи олохто-
рун билиһиннэриинэн суруйуубун түмүктүүм.
Мотрена Ивановна Амма Алтаныгар баар СПТУ-га иитээччи, кэргэнэ
Григорьев Дмитрий Николаевич нэһилиэк дьаһалтатын баһылыга, түөрт
оҕолоохтор. Афанасий Иванович Уус-Алдан суолу тутар-өрөмүөннүүр учаас-
такка грейдериһинэн үлэлиир, кэргэнэ Акулина Егоровна улууска нолуок
инспектора, биир уол оҕолоохтор. Марианна Ивановна культура үөрэхтээх,
оскуолаҕа иитээччи, кэргэнэ Макаров Иван Николаевич культура үөрэхтээх.
Эдэр ыал Чурапчы улууһугар Төлөй Дириҥэр олороллор, түөрт уол оҕолоох-
тор. Валериан Иванович кэргэнинээн Валентина Валерьевналыын үс оҕоло-
охтор, Кэптэни ыаллара. Анна Ивановна бухгалтер, кэргэнинээн Попов Ин-
нокентий Романовичтыын Бороҕоҥҥо олохсуйдулар, үс оҕолоохтор. Инно-
кентий Романович Бороҕоннооҕу баһаарынай чаас инспектора. Пелагея Ива-
новна үрдүк үөрэхтээх физкультура учуутала. Кэргэнэ Аржаков Дмитрий Ива-
нович эмиэ физкультура учуутала. Эдэр ыал Өлүөхүмэҕэ Киин Абаҕа диэн
сиргэ олороллор, биир уол оҕолоохтор.
Дьэ, ити курдук Иван Афанасьевич, Анна Прокопьевна Стручковтар ыч-
чаттара тэнийэн, элбээн иһэллэр. Эһиэхэ олох ситиһиитэ, үөрүүтэ өссө да
күөстүү оргуйа, дэбилийэ турдун!
Уйбаан Бахсылыырап, 2012 с.

ДААЛЫ ДЬОҺУН, СЭРГЭХ ЫАЛА

Мин Афанасий Олесовы Кэптэнигэ күтүөт буолуохпуттан билэбин
диэххэ сөп. Кини Лөгөй орто оскуолатыгар производственнай маастары-
нан үлэлиир кэмиттэн МТЗ тыраахтарыгар булуук уонна барана холбонон
баран ыалларга хортуоппуй сирэ хорутарын, ыҥырыыга сылдьарын өйдөөн
хаалбыппын. Дьиҥэр Кэптэнигэ сири хоруттарар тыраахтардаах элбэх
киһи баара да, биһиги ийэбит 10 оҕолоох герой ийэ А.И.Никифорова баа-
һынатын хорутарга хас саас ахсын Опуонньаны ыҥырара. “Оппуонньа бу-
лууга бараналаах уонна үчүгэйдик хоруттарар ”, — диэн, ийэбит Александра
Ивановна астынар этэ. Афанасий Петрович хоруттарбыт кэҥэс буола-
гыттан күһүн өлгөм үүнүүнү ыларбыт.
Сэрии кэмигэр төрөөбүт Афанасий Петрович Олесовы уонна кини кэр-
гэнэ Анна Михайловна Копыринаны суруйан кинигэҕэ киллэрээри, олохто-
рун билсэ, дьиэлэрин-уоттарын көрө, быйыл анаан-минээн кэргэмминээн
уонна үһүс кылааска үөрэнэр сиэн уолбутун Андрейы илдьэ Даалыга бара
сырыттыбыт.
А.П.Олесов дьиэ кэргэнэ совхоз үгэннээн сайдан турдаҕына нэһилиэк

210