Page 211 - Уйбаан Бахсылыырап. Сэрии кэмин оҕолоро - эйэлээх олох уустара

сүүрэр. Мэҥэ Суолатыгар Байкалов бирииһигэр, Курбуһахха ыытыллар ве-
тераннар кросстарыгар өрүүтүн үс иһигэр киирэр. Хайыһарга Кытаанахха,
Таатта Уолбатыгар сылын ахсын кыттан үһүс-төрдүс миэстэлэргэ тиксэр.
Уйбаан уус-уран самодеятельноска ветераннар хордарын чилиэнэ, Харысхал
“Сэрии тыйыс тыына” пьесатыгар уол оруолун оонньообута. Быйыл саас
“Сылык Дархан уонна Дьылҕа хаан” пьесаҕа Мымах баай оруолун толордо.

Ийэ хотун

Стручковтар дьиэ кэргэн ийэ хотуннара Анна Прокопьевна Кэптэнигэ
уон биир оҕолоох Евдокия Романовна, Прокопий Семенович Петуховтарга
бастакы оҕонон төрөөн, баар суох төһүү, күүс-көмө киһилэрэ этэ. Аҕыс кы-
лааһы бүтэрэн дьонугар оҕо көрсөн, дьиэ үлэтин толорон үөрэммэккэ хаал-
бытын сэһэргиир. Иис үөрэҕин бүтэрэн Бороҕоҥҥо сыахха үлэлии сылдьан,
1965 сыл Уйбаанныын көрсөн ыал буолбуттара. Ааныс өр сыл детсадка иитээч-
чи көмөлөһөөччүтүнэн, аптекаҕа үлэлиир сылларыгар ыраас, түргэн туттуу-
тунан, көнө-сэмэй майгытынан өрүүтүн хайҕалга сылдьыбыта.
1975 сылтан Кэптэнигэ көһөн кэлэн дьиэ-уот туттан бииргэ төрөөбүттэ-
ригэр сүбэ-ама, күүс-көмө буолан “Эдьиий Нюта” дэтэн, оҕо төрөтөн, сиэн
сытын билэн дьоһун ыал аатын ылан олордохторо. Ааныс дьаһалынан, сата-
былынан, асчытынан, иистэнньэҥинэн, оҕуруотчутунан Кэптэнигэ кэпсэлгэ
сылдьар. Стручковтар улахан кыыстара Мотрена Алтаннааҕы ОПТУ иитээч-
читэ, кэргэнэ директоры хаһаайыстыбаннай чааска солбуйааччы. Марианна
Чурапчыга оскуолаҕа техүлэһит, кэргэнэ интернат иитээччитэ. Аня оҕотугар
олорор, кэргэнэ баһаарынай чаас үлэһитэ. Валериан Кэптэнитээҕи детсадка
биир тутаах киһи, кэргэнэ СБГ техүлэһитэ, Афанасий суолу тутар учаастак
механизатора, кэргэнэ налоговай инспектор. Пелагея кэргэнинээн Өлүөхүмэҕэ
учууталлар. Уон түөрт сиэн сытын биллилэр. Иллээх дьиэ кэргэн сайын түмсэн
инникини былааннаһан, төрөппүттэригэр көмөлөһөн барар үтүө үгэстээхтэр.
Оҕолор үлэһит, көрсүө-сэмэй, чөл, доруобай олохтоноллоругар ийэ, аҕа үтүө
холобура улахан.
Кыргыттар оҕо саастан ийэлэрин кытары тэҥҥэ иистэнэллэр, астыыл-
лар, үүнээйинэн дьарыктаналлар. Уйбаан уолаттарын батыһыннара сылдьан
кустуур, илимниир, муҥхалыыр. “Дьиэ кэргэнинэн сир астыылларын, оттуул-
ларын-мастыылларын киһи эрэ астына көрөр”, — дэһэллэр ыаллара. Дьэ,
ити курдук 42 сыл эйэ дэмнээхтик олорор дьоһун ыал Ааныстаах Уйбаан
тоҥолохторуттан тутуһан бары ыытыллар дьаһалларга актыыбынайдык кыт-
таллар.
Ульяна Бурнашева,
2008 сыл ыам ыйын 31 күнэ

ҮЙЭ АҤААРЫТТАН ОРДУК КЭМҤЭ СПОРТУУН ДОҔОРДОҺОН
“Уус-Алдан чулуу спортсменнара XX үйэҕэ” диэн кинигэҕэ (ааптар Жир-
ков И.М., 2004) Уус-Алдан улууһун велосипедистарыттан үс киһи киирбит.
Иванов Борис Маркович, Бурцев Михаил Афанасьевич уонна Стручков Иван
Афанасьевич. Кинигэҕэ Иван Афанасьевич Стручков туһунан маннык сурул-
лубут:
1942 сыллаахха Уус-Алдан улууһун Хоро нэһилиэгэр төрөөбүтэ. Велоси-
педынан сүүрүүгэ 1 разрядтаах. 32 сыл суоппарынан үлэлээбитэ. 1966 с. Саха
АССР норуоттарын 5-с Спартакиадатыгар 50 км велосипедынан сүүрүүгэ

207