Page 215 - Уйбаан Бахсылыырап. Сэрии кэмин оҕолоро - эйэлээх олох уустара
P. 215
киинигэр Кэптэнигэ дьиэ-уот туттан олорбуттара. Онтон 1999 сылтан
төрөөбүт Даалытыгар дьиэ-уот туттаран, 2000 сыллаахха букатыннаах-
тык көһөн кэлбиттэр. Кэнэс тэлгэһэҕэ дьиэлээх киһи бигэ хаһаайын буо-
ларын көрдөрөр тутуу барыта баар. Олорор дьиэ, сахалыы балаҕан, икки
боксалаах, хочуолунайдаах, онтукатыгар баанньыктаах улахан гараж.
Афанасий Петрович төһө да 79 сааһыгар бардар, МТЗ тыраахтарын уруу-
лугар күн бүгүн да олорор. Дьон наадыйан кэллэхтэринэ тыраахтарын
гарааһыттан таһаарбытынан барар. Швеллэртэн уонна турбалартан бэй-
этэ толкуйдаан оҥорторбут бөҕө-таҕа от соһор сыһылбата бэлэм турар.
Өҥүрүк куйааска да эти ириэрдибэт булууһугар Даалы ыаллара бары
кэриэтэ сайын сиир эттэрин уурдараллар. Итилэри сэргэ ампаар, хотон,
теплица, парник, бэл, кырааскалаах убуорунай — манна чахчы да үлэни
таптыыр, чиҥ туттуулаах, хаһаайыстыбаннай ыаллар олороллорун кэ-
рэһилииллэр.
Кыратыттан кыһалҕаны билэн, үлэни өрө тутан
Афанасий Петрович Олесов оччотооҕу Сыҥаах нэһилиэгэр Аҥхай диэн
сиргэ олохтоох Петр Дмитриевич Олесов уонна Павлова-Олесова Мария Гри-
горьевна дьиэ кэргэнигэр бүтэһик оҕонон төрөөбүтэ. Кини төрөппүттэрэ оччо-
лорго “Сайдыы” холкуос чилиэннэрэ этилэр. Элбэх оҕоттон Дьөгүөр, Мии-
тэрэй, Балбаара уонна Оппуонньа эрэ дьон буолбуттара. Оппуонньа төрөп-
пүттэрэ эрдэ өлөннөр, ийэ уонна аҕа таптала диэни улаханнык билбэккэ,
кыратыттан кыһалҕалаахтык улааппыта.
Сэрии буолар сылыгар Оппуонньа сэттэтин туолбут уол барыны бары
өйдүүрэ. Дойду сиргэ кураан сатыылаабыта, 1941-1942 сыллардаах кыстыгы
бэрт эрэйинэн туораабыттара. Онтон 1942 сыл хаҕыс сааһыттан өссө алдьар-
хайдаах кураан, сут кэлэн иһэрэ эрдэттэн биллибитэ. Даалыга Киров ааты-
нан холкуос бырабылыанньатын бэрэссэдээтэлэ Олесов Петр Иванович ити
сайын аармыйаҕа ыҥырыллан уоттаах сэриигэ аттаммыта. Кэргэнэ Арыппыа-
на Бүөккэ диэн кыра уолунаан хаалбыттара. Бу уол этэҥҥэ улаатан киһи
буолан, Петр Петрович Олесов диэн аҕатын аатын ааттатан, Хаҥалас улуу-
һугар олохсуйан олорор.
“Кировтар” ити сайын Кэбээйи оройуонун 2-с Сииттэтин нэһилиэгэр
тиийэннэр от оттообуттара уонна күһүн сүөһүлэрин үүрэннэр Чаалаҕан үрэх
үрдүгэр баар эргэ өтөҕү бөхсүйэн кыстаабыттара. Кинилэр кыстыгы булбут-
тарын кэннэ, хойут, аны чурапчылар кэлэннэр, эмиэ эргэ өтөхтөрү оҥостон,
бэрт эрэйдээхтик кыстаабыттара. Олесовтар дьиэ кэргэнҥэ убайдара Дьөгүөр,
саҥастара Маайа уонна оҕолор барыта 6 киһи буолан көспүттэрэ. Кинилэри
сэргэ Лэгэнтэй Нафанаилов, 1941 сыллаахха бастакы хомуурга сэриигэ бар-
быт Көстөкүүн Нафанаилов кэргэнэ, Нам 2-с Хомустааҕыттан төрүттээх Ма-
рия Ефремовна ыанньык уонна субан сүөһү үүрэн, кыра оҕолорун оҕус тэлиэ-
гэтигэр тиэйэн, обургулар сатыы айаннаан тиийбиттэрэ. Оппуонньа убайын
Олесов Дьөгүөр Бөтүрүөбүһү 1944 сыл армияҕа ыҥырбыттара, онон оҕолору
саҥастара Маайа көрөн-истэн хаалбыта. Афоня уол ити саас ыһыыга оҕус
сиэппитэ, сайынын отчуттарга өйүө таһааччынан үлэлээбитэ.
Сэрии кэмэ буолан, Оппуонньаны 1944 сыллааха 11 сааһыгар сырытта-
ҕына Суотту Сыһыыта диэн сиргэ баар оскуолаҕа үөрэттэрэ киллэрбиттэрэ.
Кини манна түөрт кылааһы үөрэнэн бүтэрэр, оскуолалара сабыллан эксээ-
мэннэрин Чараҥай (Баатаҕай нэһилиэгэ) оскуолатыгар баран туттарбыттара.
Ити кэнниттэн Афоня Олесов Мүрүгэ икки сыл интернакка олорон бэһис
кылааһы бүтэрбитэ, онтон ордук үөрэх кыайтарбатаҕа. Онон оскуолаттан
14*
211
