Page 216 - Уйбаан Бахсылыырап. Сэрии кэмин оҕолоро - эйэлээх олох уустара

уурайан 1949-1950 сылларга Өлүөхүмэ леспромхоһугар холкуоска түһэр сыып-
параны толоро Дегтярев Михаил Егоровичтыын баран үлэлээн кэлбиттэрэ.
Дьоно салгыы үөрэттэрэ сатаабатахтара, инньэ гынан Афанасий Олесов уон
аҕыс сааһын туолбут уол, 1952 сылтан холкуос дьиҥнээх чилиэнэ буолан, үлэ
киниискэлэнэн көлөһүн күнүн аахсар үлэһит буолбута. Эдэр, эрчимнээх киһи
холкуоска от-мас тиэйиитигэр, мас кэрдиитигэр үлэлиирэ, быһата ханна
ыарахан үлэ баар да, кинини ыытан иһэллэрэ. Ааспыт үйэ биэс уонус орто-
лоруттан тыа сиригэр холкуостарга тыраахтардар кэлитэлээн барбыттара. Онон
эдэр дьону трактористар курстарыгар ыытыы күргүөмнээн барбыта. Бөдөҥ-
сүйбүт Лысенко аатынан холкуос чилиэнэ Афанасий Олесов 1960 сыллаахха
оройуоннааҕы МТС-ка механизатордар курстарыгар үөрэнэн тахсыбыта уонна
1984 сылга диэри Партизан Заболоцкай холкуоска, кэлин сопхуоска үтүө суо-
бастаахтык үлэлээбитэ.
Этэр курдук, күн-дьыл аастаҕын ахсын саас ыраатар, бииргэ үлэлээбит
аҕа табаарыстара, бэл, үөлээннээхтэрэ суох буолан иһээхтииллэр. Арай, Афа-
насий Петрович холкуос саҕана механизаторынан таһаарыылаахтык үлэлээ-
битин, билигин Бочуотунай грамоталара, Хайҕал суруктара эрэ туоһулуул-
лар. Кини төрөөбүт Даалытыгар 10 сыл ДТ-54 тыраахтарга от-мас тиэйиити-
гэр эҥкилэ суох үлэлээбитэ.
Комсомол уобаластааҕы кэмитиэтиттэн 1968 сыл бастакы улахан наҕара-
адатын Бочуотунай грамотаны ылбыта, эмиэ ити сыл тыа хаһаайыстыбатын
министрэ Я.Семенов уонна профсоюз уобаластааҕы кэмитиэтин председате-
лэ С.Габышев илии баттааһыннаах Хайҕал суругу туппута. Чулуу механиза-
тор А.П.Олесов үлэтигэр ситиһиилэрин иһин 1968 сыл сэтинньи 4 күнүгэр
“Отличник социалистического соревнования сельского хозяйства РСФСР”
диэн дастабырыанньалаах түөскэ кэтэр анал бэлиэнэн наҕараадаламмыта.
Күүрээннээх үлэҕэ сылдьар эдэрчи киһи 1969 сыл алтынньы 12 күнүгэр ыытыл-
лыбыт холкуостаахтар конференцияларын делегатынан талыллан, Партизан
Заболоцкай холкуос уон бастыҥ үлэһитин кытта Дьокуускайга киирэн рес-
публика элбэх үтүө үлэһиттэрин көрбүтэ, кинилэр үлэҕэ ситиһиилэрин бил-
сибитэ, тылларын-өстөрүн истибитэ. Афанасий Петрович, өссө бу сыл нэһи-
лиэк Сэбиэтин депутатынан быыбарданан, түбүктээх үлэтин быыһыгар кол-
хуостаахтарын этиилэрин Сэбиэккэ туруорсара.
Ити курдук механизатор үлэтэ бииртэн биир ситиһиилэринэн кынатта-
нан, Афанасий Петрович, аны совхоз үлэтигэр 1976, 1979 сылларга эмиэ “Со-
циалистическай куоталаһыы кыайыылааҕа” буолбута. Бу суруйарга эрэ дөбөҥ,
онтон ити ситиһиилэр, кыайыылар кэтэхтэригэр төһөлөөх сыра-сылба бар-
бытын, эт-тирии алдьаммытын, өй-санаа түмүллүбүтүн Афанасий Петрович
бэйэтэ эрэ билэн эрдэҕэ.
Ааспыт үйэ аҕыс уонус сылларыттан тыа сирин, чуолаан тыа хаһаайыс-
тыбатын үлэтигэр араас уларытыылар, саҥа сүүрээннэр киирэн барбыттара.
Ол иһигэр оскуолаҕа үөрэнэр улахан кылаас оҕолорун техникаҕа сыһыаран
үөрэтии хаттаан сөргүтүллүбүтэ. Лөгөй орто оскуолатыгар оччолорго дирек-
торынан үлэлии олорор Федор Дмитриевич Прядезников көрдөһөн, Афана-
сий Петрович онно сөбүлэһэн, оскуолаҕа техниканы үөрэтэр инструкторы-
нан уонна тракториһынан үлэлиир буолбута. Биллэн турар, сопхуос салалта-
та үчүгэй механизаторын атын тэрилтэҕэ ыытыан баҕарбатаҕа, ол эрээри
оскуола администрацията сорунуулаахтык туруорсан, А.П.Олесов оскуолаҕа
үлэлии кэлбитэ.
Кэлин кини сопхуостан уурайыыта тыа хаһаайыстыбатыгар реформа ба-
рыытыгар, паай үллэстиитигэр оҕустарыылаах буолбута. Ол курдук ыһыл-
лыы-тоҕуллуу саҕана сопхуос оччотооҕу үлэлии олорор салайааччылара: “Атын

212