Page 7 - Уйбаан Бахсылыырап. Сэрии кэмин оҕолоро - эйэлээх олох уустара

ААСПЫТ АХТЫЛЫННЫН, УРУККУ УМНУЛЛУБАТЫН
Суруйар идэнэн ылсан дьарыгырыахпыттан сүүрбэттэн тахса
сыл устата элбэх дьону кытта атах тэпсэн олорон кэпсэтэн,
кинилэр олохторун туһунан кыратык да буоллар хаһыаттарга
суруйан, кинигэлэри оҥортоон дьон-сэргэ билиитигэр таһаар-
тардым. Ол сорох суруйууларбын мунньан, өссө Улуу Кыайыы
60 сылын көрсө уоттаах сэрии 15 буойуннарын, үлэ-тыыл 21
ветераннарын, эрдэрин уоттаах сэрии холоругар атааран, тула-
айах хаалбыт 6 сэрии огдооботун, ону тэҥэ 24 сэрии кэмин
оҕолорун дьылҕаларыттан лоскуйдары суруйан кинигэ оҥорбу-
тум. Суруйууларым, бу дьоннор бары баалларына, бэйэлэрин
кытта кэпсэтииттэн тахсыбыта. Хомойуох иһин, бу ырыынак
ыгар үйэтигэр үп-харчы көстөрө кыайтарбакка кинигэ күн си-
рин көрбөтөҕө. Улуу Кыайыы 65 сылын көрсө, бу кинигэбиттэн
быһа тардан «Тыыннаахтар олох олорор аналлаахтар» диэн,
уоттаах сэриигэ охтубут буойуттар огдооболорун, сэрии тула-
айахтарын туһунан кинигэни, Уус-Алдан социальнай көмүскэл
управлениетын көмөтүнэн (оччотооҕу нач. А.П.Бурнашева) 2010
с. таһаартарбытым. Ол иһин ааспыты анаарар, уруккуну өйдүүр-
өйүүр салайааччыга Анна Прокопьевнаҕа кинигэҕэ киирбит
дьон, кинилэр оҕолоро уонна ааптар махталбыт муҥура суох.
Сыл-хонук уу сүүрүгүнүү ааһар. Сүрүн кинигэҕэ суруллу-
бут дьоннорум хомойуох иһин, күн-дьыл хаамыытынан бу олох-
тон баран иһэллэр. Ол эрээри “ааспыт ахтылыннын, урукку
умнуллубатын” диэммин, үбүлүөйдээх сыллары күүппэккэ, ити
улахан үлэбин эмиэ бытарытан уонна үгүс саҥа суруйуулары
эбэн, сэрии кэмин оҕолорун туһунан, бу кинигэҕэ билиһиннэ-
рэбин. Суруйуулар суруллубут сылларынан уларытыллыбакка
хайдах баарынан киирдилэр.
Туох да диэбит иннигэр, сэрии кэннинээҕи олоҕу, “комму-
низм сырдык кэскилин” сэрии кэмин саҕанааҕы оҕо көлүөнэ
дьон үлэлээн-хамсаан туппуттара. Кинилэр үксүлэрин аҕалара
уоттаах сэрии буойуннара этилэр, олортон сорохторо Ийэ дой-
ду көмүскэлигэр кыргыс толоонугар охтубуттара, сураҕа суох
сүппүттэрэ, атыттар сэриигэ ылбыт сырхан баастара көйөн, дой-
дуларыгар да кэлэн уһаабатахтара. Аҥаардас огдообо хаалбыт
ийэҕэ иитиллибит оҕолор бэрт кыра саастарыттан аччык аҥаар-
даах, уу-судураай хааһы, үөрэ ото, тар астаах сылдьан колхуос-
ка улахан дьоннуун тэҥҥэ үлэлээн хачыгырайан нуорма бурдук
сыыһын ылаллара, көлөһүн күнүн аахсан ийэлэрин үөрдэллэ-

3