Page 69 - Тыыннаахтар олох олорор аналлаахатр

дук суруллар. Сэрии буойунун огдооболоро төһө да «хара
суругу» туппуттарын иһин, сорох саллааттар дойдуларыгар
эргиллэллэрин билэр буолан, суруйааччы үчүгэйи ыралаан,
роман геройдара итинник суруллубут буолуохтаахтар.
Сэрии кэнниттэн олох сыыйа көнөн, Марфа Захаровна
колхуоһугар биир үчүгэй үлэһит быһыытынан биллэн, 1952
сыллаахха оройуоҥҥа бастыҥ үлэһиттэр мунньахтарыгар
кыттыыны ылан чаһынан бириэмийэлэммит. Эбээбит ону
олус күндүтүк санаан ахтыы суруйтарбыта баар.
Марфа Захаровна уола Миитэрэй армияҕа Тиксиигэ су-
лууспалаан кэлэн баран, Остуойкаҕа олохтоох Варвара уон-
на Дьөгүөр Жирковтар кыыстарын Марияны кэргэн ылар.
Эдэр ыал биир оҕоломмуттара кыра сааһыгар эмискэ ыал-
дьан өлөр. Миитэрэйдээх аймахтарыттан ылан оҕо иитэллэр.
Миитэрэй 1954 сыллаахха трактористар курстарын үөрэнэн
бүтэриэҕиттэн хара өлүөр диэри тракторын уруулун ыһык-
тыбатаҕа. Убайбыт элбэх саҥата суох, көнө, үлэтигэр сүр-
дээх бэриниилээх киһи этэ. Кини Дүпсүн нэһилиэгин икки
бөһүөлэгинэн элбэх тутуу маһын таһыспыта, онтон оттук
мас, от тиэйиитэ киниэхэ судургу үлэтэ этэ. Ийэтинээн
Марфа Захаровналыын колхуос туруу үлэһиттэрэ буолан,
биир үксүн сэрии буойунун огдообото диэннэр колхуос, нэ-
һилиэк салалтата кинилэр Остуойкаҕа дьиэ тутталларыгар
улахан көмөнү оҥорбуттара. Убайбыт Дмитрий Алексеевич
Илларионов үлэтин үгэнигэр сылдьан ыалдьан 1983 сыл-
лаахха олохтон туораабыта.
Эбэбит улахан кыыһа, биһиги ийэбит Анна Алексеевна
эмиэ Остуойкаҕа олохтоох Аграфена Ивановна уонна Иван
Яковлевич Афанасьевтар уолларыгар, биһиги аҕабытыгар
Дьөгүөргэ эргэ тахсан, 11 оҕону төрөппүтэ. Ийэбит Остуойка
оҕо-садыгар 16 сыл сиэстэрэнэн үлэлээбитэ. Дьоммут кэлин
элбэх оҕо үөрэнэр кыһалҕатыттан Дүпсүҥҥэ көспүттэрэ,
ийэбит орто оскуола интернатыгар поварынан үлэлээбитэ.
Герой Ийэ Анна Алексеевна улахан уола Анаабырга, 5 оҕо
Дьокуускай куоракка, 1 Мэҥэ Хаҥаласка, 3 оҕото бэйэлэ-
рин улуустарыгар олохсуйбуттара. Ийэбит Анна Алексеевна,
сэрии ыар кэмин оҕото, оччотооҕу аас-туор олох таайан,
ыарахан ыарыыттан баара-суоҕа 65 сааһыгар олохтон туо-
раабыта.
Уоттаах сэрии огдообото Марфа Захаровна сэрии кэмигэр
кыһалҕаттан иитиэххэ биэрбит кыыһа Варвара Алексеевна