Page 70 - Тыыннаахтар олох олорор аналлаахатр

кэргэннэнэн, дьиэлэнэн-уоттанан, 5 оҕолонон, элбэх сиэн-
нэрдэнэн Дүпсүҥҥэ оҕолорун кытта этэҥҥэ олорор.

Дьэ, ити курдук сэрии буойунун огдообото Марфа За-
харовна олоҕо быстыбакка күн бүгүн салҕанан баран иһэр.
Сиэннэр, хос сиэннэр эбэлэрэ ыар кэмҥэ оҕолорун этэҥҥэ
дьон оҥортоон, атахтарыгар туруоран, кинилэр баар буо-
лан бу дьоллоох олоххо, күн бүгүн олороллорун өйдүөхтэрэ,
үйэлэргэ сэриини кыайбыттары, эйэни уһансыбыттары аат-
тарын ааттыахтара диэн эрэниэҕиҥ.

СЭРИИ ОГДООБОТО ДИЭБЭТТЭРЭ

Туох кистэлэй, Сэбиэскэй былаас
саҕана сэриигэ өлбүт буойун кэргэнэ
иккистээн ыал буолбут буоллаҕына,
кинини «Сэрии огдообото» диэбэт
этилэр. Сахаҕа былыр-былыргыттан
«Өлбүтү кытта өлбүт суох» диэн этии
баар. Ол да курдук сэрии хонуутугар
тиийэн Ийэ дойдуларын көмүскэ-
лигэр тыыннарын толук уурбут дьон
огдооболоро үксүлэрэ, эдэркээн саас-
тарын баттаһа иккистээн ыал буолу-
талаабыттара. Биллэн турар, маннык
дьахталлар аҥаардас сылдьар ийэлэр-
дээҕэр олохторо арыый чэпчээбитэ.
Ол гынан баран кинилэр сэрии кэ-
мигэр эрэйдэммит эрэйдэрэ оччотооҕу былааһынан «ум-
нуллан», кинилэри «сэрии огдообото» диэбэт буолбуттара.
Ону, эһиги, бу сэрии тулаайаҕа А.Е.Бурцева-Сивцева ах-
тыытын сиһилии аахтаххытына өссө төгүл билиэххит. Анна
Егоровна төрөппүт аҕатын бойобуой суолун ирдэһэн кини
көмүс уҥуоҕа харалла сытар сиригэр Курскай Тоҕойго үстэ
бара сырытта. Кини аҕатын ирдэһэн уонна ол сырыыларын
туһунан улуустааҕы «Мүрү саһарҕата» хаһыакка хаста да су-
руйбута. Онон Анна Егоровнаттан, сэрии огдообото ийэтин
туһунан ахтыы оҥоророругар көрдөһөн, кини ону ылынан,
бу кинигэбэр киллэрдим. (У.Б.)