Page 73 - Тыыннаахтар олох олорор аналлаахатр

бииргэ үлэлээбиттэрэ. Ньирэй көрөөччүлэринэн Неустрое-
на Александра Романовна, Говорова Мавра этилэр. Неу-
сгроев Өлөксөөн кэргэнэ Өрүүнэ Жиркова Матырыастыын
солбуһа сылдьан ыанньыксыттыыллара, эрэйдээхтэр ыары-
тыйар быһыылаахтара. Жиркова Мачыака үүт отчуоттуур
этэ. Оччолорго ынаҕы күҥҥэ 4-тэ ыыллара, ол быыһыгар
Бэйдиҥэ Эбэҕэ киирэн бугул бугуллууллара, өссө уу ото ох-
соллоро. Эбэ иһэ тобус-толору бачыгырас бугул буолара.
Сайын от үлэтигэр Жирков Николай Николаевич, Говоров
Иван, Неустроева Кэтии, эдэрдэртэн мин эдьиийим Маа-
йыс, Говоров Биэккэ-Чаҕыл, о.д.а бараллар быһыылааҕа.
Күһүн хойут хаар түһүүтэ кыстыкка Халдьаайы диэн
отөххө саха балаҕаныгар 5-6 дьукаах буолан кыстыыр этибит.
Дьоммут дьиэлэрин, хотоннорун сыбаан, ынахтарын быа-
тын хатан, түүннэри этэрбэс тигэн утуйар-утуйбат, аһыыр-
аһаабат, тоҥон-хатан, үтүө саастарын үргүлдьү үлэлээн,
үрүҥ харахтарын өрө көрбөккө ааспыт көлүөнэ этэ. Кини-
лэргэ биһиги сэрии кэмин оҕолоро хаһан да төлөммөт иэс-
тээхпит!..

Маачаха аҕам үтүө киһи этэ

Маачаха аҕам Данилов Гаврил Петрович, сэрии сыллары-
гар колхуоһугар бэрэссэдээтэллии олорон, улахан салалтаҕа
биллибэтинэн дьонугар-сэргэтигэр сиэмэ атаҕын, кутуйах
хасааһын, балык кыратын биэртэлээн элбэх киһи тыынын
орүһүйбүтэ үһү. Дьоно-сэргэтэ хойукка диэри махтаналла-
ра. Ол курдук оҕотук сылдьан окко үлэлиир кэмнэрбэр кыр-
дьаҕастартан бэйэм эт кулгаахпынан киниэхэ махтал тыл-
лара этиллэллэрин эмиэ элбэхтэ истибитим. Онно маннык
кэпсэтэллэрэ:
— Хабырыыс оҕонньор колхуос бэрэссэдээтэлэ буола
олорон, онон-манан сылтахтанан ыһыыга киириигэ, сайын
ыһыах саҕана, күһүн бурдук быһыытыгар сүөһү өлөртөрөн
үлэһиттэригэр уонна кыамматтарыгар 1-2 киилэ эти түҥэт-
тэрэрэ. Сут-кураан сылларыгар онон өллөнөн соччо хоргуй-
батахпыт... Барахсан, үтүө киһи этэ!..
Биллэн турар, ол сэрии ыар сылларыгар хас биирдии
сүөһү, сылгы кытаанах учуокка турдаҕа. Ону үтүө сүрэхтээх
салайааччы: «Бу сүөһү атаҕын тоһуппут, маска атыллыбыт»
диэн акт оҥорторон «Туһаҕа таһаардыбыт» диир эбит. Хата,