Page 74 - Тыыннаахтар олох олорор аналлаахатр

дьолго, ким да үҥсүбэтэх, төттөрүтүн, оҕонньору итиитик-
истиҥник ахтан-санаан ааһаллара.
Аҕам Хабырыыс итинник сытыары-сымнаҕас майгылаах,
судургу, киэҥ көҕүстээх, холку оҕонньор этэ. Ийэм Хабы-
рыыстан икки уолу, биир кыыһы төрөппүтэ. Оҕонньор
оҕолорун эр киһи сиэринэн, судургутук таптыыра. Кыһын
от тиэйэ бардаҕына бочугурас дуу, куобах дуу, күһүн чыр-
кымай тутуурдаах кэлэрэ. Ол бултаабытын уолаттарын ин-
нигэр муостаҕа быраҕан баран, бэйэтэ оһоҕун иннигэр
оллоонноон олорон табаҕын тарда-тарда, уолаттара мөх-
сөллөрүн-тахсалларын одуулаан мүчүҥнүү олорор буолара.
Кыыһын Мааһыҥканы ньилбэгэр көтөҕөн олорон: «Сыап-
пына-Сыаппына кыыс, чээн-чээн», — диэн ырыалаах буола-
ра. Оннооҕор миигин ийэм биирдэ эмэ мөхтөҕүнэ: «Кыыс-
кын тоҕо наһаа мөҕөҕүн...» — диэн сэмэлиир буолара. Ол
иһин, мин, тулаайах, көмүскэли оччо билбэтэх киһи маа-
чаха аҕабын үчүгэйдик саныыбын, махтанабын. Ийэм бэйэ-
тэ эмиэ аһыныгас, амарах сүрэхтээҕэ. Хабырыыска эргэ
тахсан баран, сут саҕана аймахтарыгар, ыалларыгар кыра да
буоллар ас сыыһа бэрсэрэ үһү. Ону мин хас да киһиттэн:
«Эн ийэҥ Биэрэ, сут кэмигэр быстаран олордохпутуна
арыы, бурдук бэрсэн абыраабыта», — диэн махтаналларын
истибитим. Ийэм Саһылыкаантан бырааттарын Портнягин
Хабырыыс уонна Лааһар диэн уончалаах уолаттары, хоргу-
йан өлөөрү сыттахтарына истэн, тиийэн оҕустаах сыарҕанан
тиэйэн аҕалан аһатан-сиэтэн, таҥыннаран, биир кыһыны
быһа кыстатан дьон оҥортоон ыыппыта үһү. Ол уолаттар
кэлин да кэлэ сылдьаллара, Саһылыкааҥҥа ыал буолбут-
тара. Хабырыыс чахчы да үтүө киһи буолан, бэл, ол төрүт
туора оҕолору кыстатары көҥүллээтэҕэ.
Оҕонньордоох эмээхсин кэлин кырдьан олорон сиэннэ-
рин, биһиги оҕолорбутун эмиэ көрсүбүттэрэ. Оҕолор кыра-
ларыгар хас да сайын «Үрэххэ» дьоммутугар кэлэн сайылаан
үрүҥ ас аһаан, миин иһэн барарбыт. Мин ыарытыйбып-
пар, Васек диэн орто уолбун биирдээҕэр эһэлээх эбэтэ көр-
бүттэрэ. Онтон ылата Вася эбэ, эһэ оҕото буолан сайын
аайы кырдьаҕастарга кэлэ турара.

Кэлин сыаналаабыттара, бочуоттаабытгара
Улуу Кыайыы 40 сылын көрсө Гоголева Вера Семеновна-
ны 2-с Өлтөх нэһилиэгин салалтата, кини сэрии сылларыгар