Page 6 - Улуу кыайыыны уһансыбыттара Е.Д

Японияны утары сэрии
кытгыылааҕа

Мин хос эһээм Афанасий Николаевич
Ушницкай 1926 сыллаахха тохсунньу 1
күнүгэр Бороҕон улууһун 2 Лөгөй Бээрийэ
нэһилиэгэр төрөөбүт. Ийэтэ М отрена
П етровна, аҕата Николай П етрович
Ушницкайдар диэн этилэр. Хос эһээм
Хонооһой Аҕа дойду сэриитигэр 1944
сыллаахха ыҥырыллыбыт. 1945 сыл атырдьах ыйын 9 күнүтэн
балаҕан ыйын 3 күнүгэр диэри Японияны утары сэриигэ кыттыбыт.
1949 с. Дойдутугар Бээрийэҕэ кэлэн колхозка үлэлии сылдьан, саас
хос эбээбин Аксинья Николаевна Сергеевалыын ыал буолан, Өнөргө
көһөн кэлэллэр. Саһыл ферматыгар саһыл көрөөччүнэн, быстах
хонуу үлэтигэр үлэлиир. Ньирэй көрөөччүнэн өр үлэлээбитэ, кэлин
ыанньыксыттаабыта. Хос эһээм Афанасий Николаевич — улахан
ыал аҕа баһылыга, уус бэрдэ, булчут этэ. Туһахтаан куобах бөҕөтүн
бултуура. Өнөргө дьиэ- уот тутан, оҕолорун дьиэлээн, уолаттарын
уус мындырыга үөрэтэн бэйэтин кытта бэйэтин кытта илдьэ
сылдьара. Кэлин уолаттара техникаҕа сыһыаннаах, уһанар
буоланнар, ыал буолан дьиэлэрин бэйэлэрэ туттубуттара. Аны
эдьиийдэригэр, балы старыгар дьиэлэрин тутан бэйэлэрэ
биригээдэлээтилэр. Бары суоппардар, трактористар, электриктэр.
90-с сылларга, ыһыллыы саҕана, биир бастакынан «Тоҕуй»
бааһынай хаһаайыстыбата тэриммиттэрэ.
«Коммунистическай Үлэ Ударнига», «Сүөһү иитиитин маастара»
бэлиэлэр, Улуу Кыайыы үбүлүөйдээх 20, 30 40 сыллаах уонна
Японияны Кыайыы иһин мэтээллэрэ, хайҕал кумааҕылара үлэтин
туоһулара.Биир кылаас үөрэхтээх диэтэххэ, улахан халыҥ
кинигэлэри иҥнибэккэ ааҕара. Латыынныы суруйара. Нууччалыы
иҥнибэккэ суруйара, өйдүүрэ. 1987 сыллаахха тохсунньу ыйга 61
сааһыгар ыарахан ыарыыттан суох буолбута.
Хос сиэнэ Даниил Захаров.