Page 7 - Улуу кыайыыны уһансыбыттара Е.Д

Варвара Иннокентьевна Крылова

Мин эбээм Варвара И ннокентьевна
Крылова 1923 сыллаахха Уус-А лдан
оройуонун Хоро нэһилиэгин Крыловтар
аҕа уустарыгар төрөөбүтэ. 18 бииргэ
төрөөбүттэртэн саамай кыралара буолар.
Кини оҕо сааһа Куотука алааска ааспыта.
Эбээм Чараҥ оскуолатын үөрэнэн
бүтэрбитэ.
Аҕа дойду улуу сэриитин кэмигэр
сэриигэ барбыт эр дьону солбуйан кыргыттар үлэлээбиттэрэ. Эбээм
кинилэри кытары 1943 сыллаахха муус устар ыйга тракторист
комбайнер идэтин ылбыта. 1944 сыллаахха Дьокуускай куоракка
тратористары бэлэмниир курска үөрэммитэ. Күһүн 144 га сир
үүнүүтүн хомуйтарбыта. Ити үлэтин иһин МТС салалтатын
махталын ылбыта.
1946-47 сылларга Саһылыкааҥҥа «Севернай» комбайнҥа
старшайынан, 1948 сыллаахха Хороҕо «Кыһыл агроном» колхозка
үлэлээн өлгөм үүнүүнү хомуйбута. Кэлин наар МТС коллективыгар
үтүө суобастаахтык үлэлээбитэ. Олохтоох сэбиэккэ хас да төгүл
депутатынан таллыллыбыта.
Эбээм Варвара Иннокентьевна үчүгэйдик иистэнэрэ, иллэҥ
кэмигэр элбэх бэргэһэни, унтууну тигэрэ. Оҕуруонан араас сиэдэрэй
оһуордары, симэхтэри оҥороро. Сэрии кэмигэр тыылга үлэлээбит
кыргыттар тустарынан Дмитрий Андросов «Тыылга кыайыына
уһансыбыттара», «Саха сиригэр тыа хаһаайысты баты н
механизациятын историятыттан» кинигэлэргэ ахтыллар. Маны
таһынан 2009 сыллаахха Улуу Кыайыы 65 сылыгар, МТС
тэриллибитэ 75 сылыгар, Мүрү нэһилиэгэ тэриллибитэ 50 сылыгар
аналлаах, М ындааба сэлиэнньэтигэр тыылга үлэлээбит
кы ргы ттарга өйдөбүнньүк «Кинилэр тыылга кыайыыны
уһансыбыттара» мемориал аһыллыбыта. Мин эбээм Варвара
Иннокентьевна сэрии саҕана Саха сирин тыатын нэһилиэгэр, Саха
дьонун олоҕор-дьаһаҕар сүппэт оспот суолталаах хамсааһыны
таһаарсыбытынан киэн туттабын. Улуус бастакы тракторист
кыргыттарыттан биирдэстэринэн-мин хос эбээбинэн Варвара
Иннокентьевна Крылованан киэн туттабын!
Ахтыыны суруйда хос сиэнэ Саша Щелканова.
Ф