Page 292 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
спорка такайбыт оҕолоруттан чаҕылхай ситиһиилээхтэринэн ааҕа-
ра: Прокопий Харитоновы, Николай Костромины, Константин Дег­
тяревы, Римма Крылованы, Валентина Истоминаны, Петр Лукачев-
скайы, Тамара Глухованы, Иван Охлопковы, Василий Румянцевы,
Иннокентий Сивцевы, Егор Корниловы, Светлана Бочкареваны. Ки-
нилэр араас көрүҥҥэ өрөспүүбүлүкэ сүүмэрдэммит хамаандалары-
гар киирэн, Сахабыт сирин аатын-суолун элбэх тас күрэхтэһиилэргэ
дьоһуннаахтык көмүскээбиттэрэ.
Иван Михайлович 1979 сылтан Мүрү 2 №-дээх орто оскуола-
тыгар физкультура учууталынан көһөн, оҕо аймах доруобуйата
тупсарыгар, чел олоххо сирдиир, спорка холобур буолар үлэтин
саҕалаабыта. Бэйэтин толкуйунан стадиоҥҥа үөрэнээччилэр стан-
дартка сөп түбэһэн дьарыктаналларыгар анаан спортивнай снаряд-
тары оҥорбута. Хас биирдии оскуола оҕотугар туе карточка оҥорон,
эт-хаан өртүнэн хайдах сайдарын кэтээн көрөрө, спорка дьоҕурдаах,
ис кыахтаах уонна айылҕаттан иинэҕэс, аһаах туруктаах үөрэнээч-
чилэргэ сөптөөх ноҕуруусканы аттаран анаан дьарыктыыра. Бу
үлэтин үөрэх министрин солбуйааччы Надежда Семеновна Сив­
цева былааннаах бэрэбиэркэҕэ кэлэ сылдьан үрдүктүк сыаналаан,
өрөспүүбүлүкэ оскуолаларын физкультура учууталларыгар холобур
оҥостуохха сөп эбит диэн түмүк оҥорон барбыта.
Манан ситимнээн, Иван Михайлович Жирков Саха өрөспүүбүлү-
кэтин биир бастыҥ учуутала, тириэньэрэ уонна биллиилээх спорт­
смена буоларын бииргэ үлэлээбит педагог коллегалара, биллиилээх
спортсменнар уонна дьоно-сэргэтэ ытыктыы билинэллэр. Кини
хайыһар спордугар өрөспүүбүлүкэ 18 төгүллээх чөмпүйүөнэ, Уһук
Илин зонатын призера буолар. Бэйэтин кэмигэр өрөспүүбүлүкэ тас
өттүгэр элбэх араас таһымнаах күрэхтэһиилэргэ ситиһиилээхтик
кыттыбыта. Аны үүнэр көлүөнэни иитиигэ-үөрэтиигэ эҥкилэ суох
үлэтинэн, кыһамньытынан, дьулуурунан элбэх бочуоттаах наҕараа-
данан, аатынан-суолунан сиэрдээхтик бэлиэтэммитэ.
Быраатым Баанньа - Иван Михайлович Жирков орто дойдуга
биир киһи холугар, атыттарга холобур буолар чаҕылхай олоҕу оло-
рон барда диэн киэн туттан олорон ахтыыбын түмүктүүбүн.

Михаил Михайлович ЖИРКОВ, бииргэ торообут убайа,
РФ норуотуи уорэҕириитин ту игу на, СР учууталларын Учуутала,
РФ уорэҕириитин бочуоттаах бэтэрээнэ, «Уу с Алдан уөрэҕириитин
сайдыытыгар кылаатын иһин» бэлиэлээх,
Уус Алдан улууһун бочуоттаах олохтооҕо.