Page 294 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
ыытар иирбэ-таарба курдук элбэх тэрээһин боппуруостара барыта
убайым санныгар сүктэриллэллэрэ. Ону кини элбэх сыллаах баай
уопута уонна киһиттэн ураты үлэһитэ бэрт буолан, кыайа-хото тут-
таҕа... Ити барыта Иван Михайлович айылҕаттан анаммыт дьиҥнээх
педагог буоларын туоһулуур. Онон убайбынаан бииргэ үлэлээбит
сылларбын олус киэн тутта саныыбын.
Кэлин Иван Михайлович биэнсийэҕэ тахсан баран, доруобуйатын
тупсараары таһырдьа томороон тымныыга уунан куттар уонна хаа-
рынан суунар үһү диэни истэн, кини хайдах курдук күүстээх санаа-
лааҕын, дьулуурдааҕын сөҕөр этим.
Убайым киһи быһыытынан олус көнө, эйэҕэс майгылааҕа, дьоҥҥо
үтүө сүбэһит буолара, элбэҕи көрөн-ааҕан киэҥ билиилээҕэ, ол би-
лиитин-көрүүтүн дьоҥҥо-сэргэҕэ туһанныннар диэн тиэрдэр, үллэс-
тэр мөккүөрдээҕэ. Билэр дьонугар, үөрэтэр оҕолоругар үтүөнү эрэ
баҕаран, кинилэргэ чэгиэн олох үчүгэйин, кэрэтин тарҕатар, бэйэ-
тэ холобур буолардыы чөл олоҕу кытаанахтык тутуһар, дьон-сэргэ
ытыктыыр киһитэ этэ. Таптыыр, убаастыыр убайбын Иван Михай-
ловиһы олус күндүтүк саныыбын, умнубаппын.

Галипи Вячеславовна ЖИРКОВА, балта,
СР уөрэҕириитин туйгуна, «Уус Алдан үорэҕиришпин сайдыытыгар
кылаатын иһин» бэлиэлээх

Аҕабынан аймахпыт

Биһиги дьоммут Иван Михайлович, Мария Ни-
коновна биһиэхэ сыста уһаайбаҕа тиксэн ыаллыы
олорбуппут. Дьоммут ыаллыы эрэ буолбакка аймах-
тыы сыһыаннаахтара. Мин аҕам Василий Дмитрие­
вич Жирков уонна Иван Михайлович Бээрийэттэн
төрүттээхтэрэ. Ыалларбыт оҕолоро бары бииргэ
улааппыппыт, сааспытынан да сөп түбэһэр этибит.
Эдьиийим Васса уонна Лена оскуолаҕа бастакы
кылаастан ахсыһы бүтэриэхтэригэр диэри бииргэ
үөрэммиттэрэ. Варялара биһиги Васябытын уонна Машабытын кыт-
та олус тапсан оонньууллара, оскуолаҕа өрүү бииргэ аргыстаһан ба-
раллара. Мин Банюкалыын оҕо саадка бииргэ сылдьыбытым, киһи-
ни өйдүүр буолуохпуттан бииргэ оонньуур табаарыһым этэ.