Page 291 - Улуус спордун үйэтиппит учуутал, тренер. Иван Жирков

үтүө дьаһалынан биир да киһи хоргуйан өлбөккө, 1943 сыл сааһыгар
дойдубутун Бээрийэни этэҥҥэ булбуппут.
Ванябыт 1952 сыллаахха Бээрийэ начаалынай оскуолатын
үөрэнэн бүтэрбитэ. Инньэ гынан аҕабыт үс оҕотун киин сиргэ үөрэт-
тэрээри, Бээрийэҕэ сэбиэт бэрэссэдээтэлинэн үлэлии олорон, онтон
аккаастанан, оройуон киинин балыыһатыгар завхоһунан үлэҕэ ана-
тан, бары ыалынан Бороҕоҥҥо көһөн киирбиппит. Онон аҕабытын
Михаил Васильевиһы оҕолорун инники кэскиллэрин өтө көрөн, ту-
руоруммут сыалын ситиһэр кыайыгас-хотугас эр санаалаах киһинэн
ааҕабыт уонна махтана саныыбыт. Ол курдук, кини былаана олоххо
киирэн, биһиги үһүөн үөрэхтээх дьон буолбуппут.
Быраатым Ваня 1958 сыллаахха Мүрү орто оскуолатын үөрэнэн
бүтэрбитэ. Бу сыл Н.Н. Тарскай тус дьаһалынан, көмөтүнэн Ом-
скайдааҕы физкультурнай институт устудьуона буолбута. Үп-харчы
кырыымчыгынан кини үрдүк үөрэх кыһатыгар үөрэнэр сылларыгар,
каникулун кэмигэр, дойдутугар биирдэ эрэ кэлэн сынньанан барбы-
та. Уопсайынан, ити кэмнэргэ соҕуруу үөрэммит оҕолор бары даҕа-
ны ити курдук быһыыга-майгыга сылдьыбыттара. Сайын уһун ка-
никулларын кэмигэр ханна эрэ хара үлэҕэ кэпсэтэн киирэн, эбэтэр
дойду үрдүнэн саҥа тэнийэн эрэр студеннар тутар этэрээттэригэр
үлэлээн, хамнас аахсан, үөрэнэр тэрилинэн, таҥаһынан-сабынан
бэйэлэрин хааччыналлара. Ол курдук, 1962 сыллаахха Ваня үөрэҕин
ситиһиилээхтик түмүктээн, физкультура учуутала уонна тириэньэр
идэтин туоһулуур дипломнаах кэлэн, Дүпсүн орто оскуолатыгар
педагог үлэтин саҕалаабыта. Уруоктарын таһынан хас киэһэ аайы
үөрэтэр оҕолорун спорт араас көрүҥнэрин сиэксийэлэригэр дьарык-
тыыра. Сотору кэминэн, кини үөрэнээччилэрэ, чуолаан хайыһарга,
чэпчэки атлетикаҕа, тустууга, буоксаҕа, баскетболга, волейболга
оройуон уонна өрөспүүбүлүкэ күрэхтэһиилэригэр киирэн холкутук
күрэхтэһэр дьон буолбуттара.
1965 сыллаахха Иван Михайлович Бороҕоннооҕу оҕо спортивнай
оскуолатыгар маҥнай хайыһар тириэньэринэн, онтон дириэктэринэн
үлэлээбитэ. Бастатан туран материальнай өрүт бөҕөргүүрүгэр ахсаа-
бат болҕомтотун уонна кыһамньытын уурбута. Ол курдук, сэлиэнньэ
иһигэр спортивнай саала уонна Чаҕадыма алаас үрдүгэр хайыһар
баазатын туттарбыта. Кини уонна салайар коллективын айымньы-
лаах, тахсыылаах үлэлэрин түмүгэр, оҕо аймах эбии үөрэҕин кыһа-
та өрөспүүбүлүкэ оҕо спортивнай оскуолаларын ситимин иһигэр
күрэххэ чулуулар күөннэригэр тахсыбыта. Кини ииппит-үөрэппит,