Page 296 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

Кэскиллэҕи оҥорбут,
айбыт бырааппыт Ваня

Иван Михайлович Жирков мин кэргэним Гаврил
Антонович Копыринныын чугас аймахтыы буолал-
лар. Кэргэним Хабырыыс аҕата Антон Гаврильевич
уонна Иван Михайлович аҕатын ийэтэ Бараскыа-
быйа буолан, биир ийэттэн-аҕаттан төрөөбүттэр,
онон дьонноро бэйэлэрин кэмнэригэр сүрдээҕин У
чугастык санаһан, хардарыта уруурҕаһан, сибээ- * ^ ж
стэрин быспакка олорбуттар. Кинилэр олохторо
сүнньүнэн Бээрийэ Лабачаанытынан, Бырыынан,
Мээндинэн, Арыылааҕынан, Тоноҕоһунан эбитэ үһү.
Оҕо саастара Арыылаахха, Хо-
мустаахха, Тоноҕоско ааспыт.
Оччотооҕу кэм оҕолоро улахан
дьону кытта холкуоска тэҥҥэ үлэ-
лииллэрэ. Хомустаахха Сэмэн Ва-
сильевка - Ырыа Сэмэҥҥэ холку-
ос бааһынатыгар, хортуоппуйга
уһун сайыны быһа уу кутан, көмөн
көрөллөрө-харайаллара үһү. «Ваня
кыайбатар даҕаны, чырайа-чырайа
түһүнэн кэбиһэрэ, алта эрэ саас-
таах киһи биһигини кытта тэҥҥэ
үлэлиирэ. Хомустаахха диэри түөрт биэрэстэ сири сатыы кэлэн үлэ-
лиирбит», - диэн Хабырыыс быраатын хайҕаан ахтара.
Иван Михайлович: ”Оҕо сааһын үтүө өрүттэрин ахтарыгар, убай-
дарбын кырабыттан батыһан бииргэ сылдьыым үлэ үөрүйэхтэригэр
үөрэппитэ, бэрээдэктээх буоларга, сиэр-майгы өртүнэн туһалаабыта
чахчы”, - диирэ. Эһэтэ барахсан сиэнин инникитин эмиэ түстэһэн
барбыт диэххэ сөп курдук. Тиит маһы иэҕэн быалаах хайыһар оҥор-
бут, онтуката Ваня санаатыгар ыраахха барара, олус улгумун туһу-
нан туспа кэпсэтии буолара.
Хабырыыһым аймах-билэ дьонун ситиһиилэриттэн сэмэйдик
үөрэрэ, астынара. Бороҕоҥҥо хайыһар күрэхтэһиитигэр быраата
Ваня сүүрэр, эбэтэр кини эрчийбит оҕолоро сүүрэллэрин көрөөрү
хайаан даҕаны Майаҕастан сатыы баран көрөрө.