Page 298 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Убайбын Иван Михайловиһы

истиҥник саныыбын

Иван Михайлович эбэтэ Прасковья Гаврильевна
уонна мин эһэм Антон Гаврильевич бииргэ төрөөбүт
убайдыы-балыс этилэр. Онон биһиги хаан-уруу ай-
махтыы буолабыт. Иван Михайловичтаах төрөппүт-
тэрин, дьиэ кэргэннэрин биһиги төрөппүттэрбит,
бэйэбит бэрт чугастык билсэр, куруук сылдьар, олус
истиҥник санаһар, үөрүүлээх да, ыарахан да күннэр-
битигэр көмөлөсүһэр чугас дьоммут буолаллар.
Оҕо сырыттахпытына Уйбаан Дүпсүнтэн күрэх-
тэһиилэргэ киирэ сыл-
дьан, биирдэ эбит хонон
ааһарын өйдүүбүн. Ол
кэллэҕинэ киэһэ хойук-
ка диэри дьоммутунаан
чэйдии-чэйдии, үөрэ-
көтө, оҕо саастарын
санаһан хойукка диэри
олорон кэпсэтэллэрин
өйдүүбүн. Дьиэбит
төһө да кыараҕас буол-
лар, куруук хоноһолоох
буоларбыт. Бээрийэттэн,
Тандаттан таайдарым, убайдарым, Дүпсүнтэн убайдарым Михаил
Михайлович, Иван Михайлович күрэхтэһиилэргэ, гастролларга кэлэ
сылдьаллара. Ол саҕана күһүн, саас хайыһар уонна тустуу күрэх-
тэһиилэрэ, спартакиадалар буолаллара. Хайыһар күрэхтэһиитин ку­
руук көрө барар этим. Онно убайым Уйбаан мэлдьи кыайарын олус
астына, киэн тутта көрөрбүн өйдүүбүн. Кини наар бэйэтигэр оруо-
буна олорор спортивнай көстүүмнээҕин сөбүлүү көрөрүм. Уопсай-
ынан даҕаны, убайым таҥна-симэнэ, тутта-хапта, кэпсэтэ-ипсэтэ
сылдьарынан, дьоҥҥо сыһыанынан биһиги аймахха улаханнык киэн
туттар киһибит этэ.
Мин оскуолаҕа үөрэнэ сылдьар кэмнэрбэр маҕаһыыннарга спор­
тивнай таҥас олох атыыламмат этэ. Хайыһарга дьарыктанар оҕолорго
тренировочнай көстүүмнэри сакаастаан куораттан аҕалан түҥэтэллэр