Page 297 - Улуус спордун үйэтиппит учуутал, тренер. Иван Жирков

Иван Михайлович хаһан даҕаны бэйэтин ситиһиилэрин кэпсэм-
мэт-арбаммат сэмэй киһи этэ, инньэ гынан убайа кини республи-
каҕа улахан ситиһиилэрин хаһыаттартан ааҕан, радиоттан истэн
сүрдээҕин үөрэр буолара.
Учуутал, тириэньэр быһыытынан саҥаны көрдүүрэ, үлэтигэр
туспа ньымалары туттан, анаалыстаан үөрэнээччилэрин күүскэ дьа-
рыктыыра. Ол түмүгэ - үөрэнээччилэргэ оройуон сүүмэрдэммит
хамаандата аан бастаан өрөспүүбүлүкэҕэ чөмпүйүөннээн, Ленскэй,
Алдан, Өлүөхүмэ, Дьокуускай курдук күүстээх хайыһардьыттаах
хамаандалары кэннигэр хааллартаабыттара. Аны «Урожай» ДСО
иһинэн үөрэнээччилэргэ Уһук Илин уонна Сибиир зонатын күрэх-
тэһиитигэр Омскайга, бэйэтэ устудьуоннаабыт куоратыгар, дьарык-
тыыр оҕолорун илдьэ барар буолбут үөрүүтүн убайынаан Хабы-
рыыстыын үллэстибитэ. Үөрэнээччилэриттэн Проня Харитоновы,
Римма Крылованы (Майаҕас оҕотун), Коля Костромины, Наташа
Иванованы чорботон ахтара, астынара.
Аймахпыт Иван Михайлович ис культуралаах, олус сэмэй, бэйэ­
тин кэмигэр спорду олоҕун аргыһа оҥостубут киһи. Атаҕынан
сүүрэрэ, велосипедка күрэхтэһэрэ, хайыһар күүстээх фаната этэ.
Элбэҕи ааҕар, билэр буолан, бэйэтин доруобуйатын туругун, ордук
биэнсийэҕэ тахсан баран көрүммүтэ. Ол курдук, тымныы уунан ор-
ганизмын эрчийэрэ, Порфирий Иванов «Детка (Оҕоккоо)» үөрэҕин
бэйэтигэр боруобалыы сылдьыбыта.
Бочуоттаах сынньалаҥҥа тахсан баран өрүү даҕаны үлэ үөһүгэр
сылдьыбыта. Улуус спордун историятын туһунан элбэҕи түмэн ки-
нигэ таһаарбыта, элбэх спортсмен аатын үйэтиппитэ. Өссө иккис ки-
нигэтигэр үлэлээн, онтун ситэрэн, эһиил буолуохтаах улахан спор-
тивнай оонньуулары тэрийэр хамыыһыйаҕа туттаран барбыта.
Аймах-билэ дьоно кини олорон, үлэлээн ааспыт кэмнэрин ум-
нуохпут суоҕа, инникитин да ыччаппытыгар кэпсэнэ туруоҕа.

Марина Романовна КОПЫРИНА,
үлэ бэтэрээнэ, «Уус Алдан үөрэҕириитин
сайдыытыгар кылаатын иһнн ”,
«Уус Алдан улууһун социальнай-эюншиичэсюй
сайдыытыгар кылаатын иһин ” бэлиэлэрдээх.