Page 299 - Улуус спордун үйэтиппит учуутал, тренер. Иван Жирков

этэ. Уйбаан соҕуруу хайыһар
күрэхтэһиилэригэр куруук ба-
рар этэ. Биир оннук барыыты-
гар, миэхэ корейскай кеда аҕал-
бытыгар олус да үөрбүппүн,
баччааҥҥа диэри умнубакка
өйдүү сылдьабын.
Мин оскуоланы бүтэрбит
сылбар дьонум саҥа дьиэ тут-
тан илин көспүппүт. Онтон
икки сылынан дьоммут Жир-
ковтар биһиги таспытыгар
дьиэ туттан киирэннэр, олох
ыаллыы олорор буолбуппут.
Онон балтыларым кинилэр
оҕолорун кытта мэлдьи бииргэ сылдьар, оонньуур буолбуттара.
Биһиги ийэбит 50-н эрэ саастааҕар быарынан ыалдьан бу сиртэн ба-
раахтаабыта. Онон аҕабыт оскуолаҕа үөрэнэр кыргыттарын кытта
бэйэтэ хаалбыта. Ол ыарахан, кыһалҕалаах, тэһийбэт кэмнэригэр
дьонноругар Мариялаах Уйбааҥҥа куруук сылдьаллар этэ. Кэлин
санаатахха, аҕабыт барахсан кинилэрдиин кэпсэтэн, чэйдээн, сүб-
элэһэн-амалаһан аралдьыйар эбит. Онон дьоммор махталым ула-
хан. Кэлин үөрэхпин бүтэрэн, үлэһит уонна ыал буолан Удачнай
куоракка көспүтүм. Ол да буоллар, аймахтарбын кытта сибээспитин
быспатахпыт. Уоппускаҕа дойдубар Бороҕоҥҥо кэллэхпитинэ дьо­
нум аахха - Уйбааннаах Марияҕа куруук сылдьан, минньигэстик
чэйдээн, кэпсэтэн-ипсэтэн ааһааччыбыт. Олус итиитик, үөрэ-көтө
көрсөөччүлэр. Онно сылдьан көрдөхпүнэ, убайым мэлдьи туох эрэ
дьарыктаах буолара: уһанар, оҕуруотун аһын көрөр-бүөбэйдиир эбэ-
тэр суруксуттаан солото суох олорор буолааччы.
Мин кини бэйэтин доруобуйатын көрүнэрин, харыстанарын уон­
на дьарыктанарын сөҕөр этим. Сарсыарда аайы олбуорун иһигэр тө-
гүрүччү сүүрэр этэ. Ол сүүрэр сиригэр суола ыллык буолан хаалбы-
тын көрөрбүт. Күһүн ыраах тыаҕа отоннуу бара сылдьыбыппытын
наһаа үчүгэйдик саныыбын. Убайым маһынан сөбүлээн уһанар этэ.
Олус үчүгэй сиэдэрэй саахымат комплегын оҥорбутун көрдөрбүтүн
умнубаппын. Хас да сыллааҕыта, уоппускаҕа кэлэ сырыттахпына,
бэйэтэ оҥорбут ытыгын уонна күөрчэҕин бэлэхтээн үөрдэн-көтүтэн
турар.