Page 324 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

салайааччылара Иван диэн киһи харчы би-
эрбитинэн, биһиги ас-үөл аҕалбыппытын
Машабыт остуолга тардан кэбистэ. Икки
уолу - Коляны, Ганяны Иваннара дьаһайа-
ра өтө көстөр этэ.
Дьэ, ити кунтэн ыла кыргыттарым хай-
ыһардьыттарын кытта сотору-сотору Пермь
куорат кэрэ-бэлиэ сирдэригэр күүлэйдээ-
тилэр. Саамай күүстээх гидынан Чурапчы
кыыһа, Ганя Попов биир дойдулааҕа Ана­
стасия Оконешниковабуолла. Анастасия
аспирантураҕа үөрэнэ (кэлин психология
наукатын дуоктара, Саха университетын
профессора буолбута) сылдьар кэмэ этэ. Бииргэ үөрэммит кыргыт-
тара бүтэрэн дойдулаабыт буоланнар, биһигини кытта ыкса билсэрэ.
Биир киэһээ уолаттары театрга операҕа илдьэ сылдьан баран, дьо-
нум утуйан таҕыстылар диэн сөхпүтэ. Кэлин билбиппит, ол күн эр-
чийэр тириэньэрдэрэ уолаттарга тургутар күрэхтэһии оҥорбут, онон
сылайаннар музыкаҕа, сылааска бигэнэн утуйан, операны аанньа
көрбөтөхтөр.
Мин атын факультекка үөрэнэр буоламмын, курсовой үлэлэр
үгэннэрэ түбэһэн, ол уолаттары кытта күүлэйдээһиҥҥэ сылдьыба-
таҕым. Арай кинилэр баралларыгар авиапорка атаарсыбытым, онно
Иван наар миигин кытта кэпсэппитэ.
Биһиги кырасаабыссабытын Лизаны сөбүлээбит хайыһардьыт
Коля суруктара быыстала суох кэлитэлээн барбыттара. Өссө сото­
ру-сотору “переговорга” ыҥырара, бириэмэбит Саха сирин кытта
түөрт чаас арыттаах буолан, кыыспытын почтамҥа бары арыал-
лыыр этибит. Онтон миэхэ Иван икки суруга кэлбитэ эрээри, мин
эппиэттээбэтэҕим. Биирдэ Лизаны кытта “переговорга” эмиэ бары
барыстыбыт. Лиза кэпсэтэ түһэн баран, миигин кабинаҕа ыҥырда,
телефон трубкатын туттаран кэбистэ. Арай, ылан истибиппэр Иван
дорооболоһоот, кытаанах баҕайытык:“Сурукпар тоҕо эппиэттээбэк-
кин?” - диэбитигэр, мин төбөбүттэн атахпар диэри сүүрээннэр бил-
лэннэр, «дьыр»гына түстүм. “Аныгыскы сурукпар хайаан даҕаны
эппиэттээр!” - диэбитигэр, «ээх» диэбиппин кулгааҕым эрэ истэн
хаалла. Ити арааһа, кини эн инники олоххор аҥаарыҥ буолар диэн,
үөһэттэн этиллибитэ буолуо. Мин кинини бастаан көрөөт, күүстээх
иэйии уотугар умайардыы долгуйбатаҕым эрээри, олох олорон ис-