Page 325 - Улуус спордун үйэтиппит учуутал, тренер. Иван Жирков

тэхпит аайы, кини ыраас, дириҥ, бэриниилээх тапталыгар миэхэ
ураты истиҥ, нарын сыһыан үөскээбитэ.
Саҥа дьыл эрэ иннинэ муҥурдаахпын эпэрээссийэлэтэн ба-
лыыһаҕа киирбиппин Лиза Колятыгар этэн, Иван миэхэ истин
эҕэрдэ уонна түргэнник үтүөрэрим туһугар баҕа санаа тыллардаах
телеграмма ыыппыта. Коля Пермьҥэ кэлэн Лизалыын холбоспутта-
ра, сыбаайбаларын кафеҕа ылбыппыт.
1968 сыл саас практикабар Дьокуускайга көтөн кэлэрбэр, Иван
көрсүөх буолбута даҕаны, Бороҕонтон хойутаан кэлэн, көрсүбэтэҕэ.
Мин университет уопсайыгар дьүөгэбэр Клаваҕа түспүтүм, пиэри-
бэй Маайга параакка кинилэри кытта хаамсыбытым. Параат кэннит-
тэн кыргыттар хосторугар бырааһынньыктаары сырыттахпытына,
«Эйиигин ыҥыраллар»,- диэбиттэригэр тахсыбытым, арай, Иван
турар эбит. Мин соһуйдум. Клава тахсан иккиэммитин ыҥыран, пиэ-
рибэй Маайы бииргэ көрүстүбүт. Мин практикам иннинэ эдьиийбэр
Танялаахха Бэрдьигэстээххэ көтөөрү, Маҥан авиапордугар киирби-
тим. Иван Бороҕоҥҥо көтөөрү, эмиэ онно баар эбит. Кассаҕа билиэт
суох буолан, арыый чуумпу сиргэ, түннүк аттыгар кэпсэтэ турдахпы-
тына, хае да летчик ааһан иһэр. Олортон биирдэрэ чопчу хааман кэ­
лэн: «Вы Иван Жирков да, куда летите?» - диэн ыйытта. Эппиэтин
истээт: «Я как раз туда лечу, полетели», - диэтэ. Онон Ваня олох
даҕаны билиэтэ суох туран, дойдутугар көппүтэ. Мин харахпар кини
аптарытыата хас эмит бүк үрдээбитэ, бука, ол киһи эмиэ спортсмен,
хайыһардьыт буолан, билэн ыҥыран илдьэ көттөҕө...
Сайын практикабын Чурапчы Одьулуунугар өрөспүүбүлүкэ-
тээҕи агрохимлаборатория филиалыгар барбытым. Салайааччым
эдэр кыыс, ыһыахтар иннилэринэ ыһыыбытын бүтэрэммит, көҥүл-
лэтэн, Төҥүлүгэ дьоммор барар буоллум. Иван “переговорга” ыны-
ран, ыһыаҕы ханна көрсөрбүн билэн, Төҥүлүгэ тиийиэх буолла. Мин
дьоммун кытта “переговордаһан” миэхэ табаарыһым кэлиэ диэн
биллэрдим. Эппитим да үчүгэй буолла. Кини мин иннибинэ мата-
сыыкылынан кэлэн, дьонум бэрт үчүгэйдик көрсөннөр, кэлэрбэр
олбуорга ыскамыайкаҕа олорор эбит.
Төҥүлү ыһыаҕар сылдьан баран, Ваня: “Биһиги холбоһобут, онон
Машаны төрөппүттэрбин кытта билиһиннэрэ илдьэ барабын”, - диэ-
битин, дьонум сөбүлэстилэр. Атырдьах ыйыгар сыбаайбаны бастаан
Төҥүлүгэ оноруохпут, ол кэннэ Бороҕоҥҥо диэн быһаарыстылар.
Бороҕоҥҥо кэлбиппитигэр ийэтэ, убайа Михаил уонна кырдьаҕас
таайа Роман Ивановичтаах дьукаахтаһан бииргэ олороллоро. Икки