Page 326 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
хоноот, Уус Алдан сүүмэрдэммит хамаандата куоракка күрэхтэһэ
баралларыгар, мин практикабар Одьулууммар бараары киирсиби-
тим. Аара айаммытыгар спортсменнар көрүү-истии бөҕөлөрө, биир
саамай бойобуойдара кэлэн кэпсэттэ, ол аатырбыт Татьяна Иванова
эбит этэ.
Атырдьах ыйын 11 күнүгэр Төҥүлүгэ улахан уруу малааһына
буолла. Төрөппүттэрим: “Үһүс оҕобут ыал буоларынан, аймахтар-
бытын барыларын ыҥыра сатыахпыт, онтон Бороҕоҥҥо бэйэбит эрэ
барсыахпыт”, - диэн Ваняҕа бастакы кэпсэтиигэ эппиттэр этэ. Ол
курдук, атырдьах ыйын 14 күнүгэр Бороҕоҥҥо буолбут сыбаайбаҕа,
ийэм биһигини кытта куоратынан кэлсибитэ, матасыыкылынан аҕа-
бын аҕалбыт тастыҥ убайым эрэ сылдьыбыттара. Сыбаайба кэннит-
тэн Ванялыын иккиэн мин практикабын түмүктүү тиийбиппит.
Балаҕан ыйын 10 күнүгэр үөрэхпэр Пермь куоракка көппүтүм.
Бэһис куурус этим. Биирдэ хоспор сыттахпына, бииргэ олорор
кыыһым: «Маша, тебя зовут», - диэтэ. Мин дьиибэргии-дьиибэргии
тахсыбытым Ваня турар эбит, соһуйуу-үөрүү бөҕө буоллум. Тута са-
халарбытыгар түстүбүт. Ваня онно миэхэ унтуу тиктэрэн аҕалбыта
- кыһын тымныыга абыраабыта. Олунньуга бүтэн, кыргыттарбы-
наан дойдубутугар көтөрбүтүгэр олус тымныйан, “задержка” бөҕө
буолан, Красноярскай авиапордугар хоммуппут. Хата, сарсыныгар
Дьокуускайга диэри көтүппүттэрэ. Куоракка Ваня көрсүбүтэ уонна
Бороҕоҥҥо тахсыбыппыт. Манна аймахтарын ыҥыран, мин диплом
ылбыппын “сууйбуппут”. Ити курдук усбуордарынан, күрэхтэһии-
лэринэн күһүҥҥүттэн сааскыга диэри дьиэтигэр аҕыйах кэмҥэ
көстөн ааһара. Мин тоҕо эрэ олох күнүүлээбэт этим, олус эрэнэрим
уонна итинник сылдьыахтаах дии саныырым.
Ваня 1973 сылтан хайыһарга бэйэтэ сүүрбэт буолбута. Онон би-
риэмэлэнэн дьиэтин туппута. Тыаҕа маһы кэрдиигэ, киллэриигэ
аймахпыт Дмитрий Иванович Гуляев көмөлөспүтэ. Ол маһын бэрэ-
бинэтин барытын кэргэним бэйэтэ сүгэнэн суорбута. Икки өттүт-
тэн аймахтарбыт Бээрийэттэн Илья Романович Васильев, Гаврил
Антонович Копырин, Гаврил Ильич Васильев, Төҥүлүттэн убай­
ым Дмитрий Никонович Харитонов, бырааттарым Прокопий Ни-
конович, Михаил Никонович - иккиэн тутааччылар, прорабынан
күтүөппүт Илья Павлович Бурнашев күүскэ үлэлээннэр, көҥдөйүн
нэдиэлэнэн туруорбуттара. Күһүн 1974 сыллаахха дьиэбитигэр ки-
ирбиппит. Дьиэбитигэр саҥа киирээппитин кытта, Ваняны куорак­
ка университет физкультура уонна спорт кафедратыгар, хайыһар