Page 329 - Улуус спордун үйэтиппит учуутал, тренер. Иван Жирков

Кулун тутар 4-тэн оҕолору бастаан стадиоҥҥа, онтон алааска хайы-
һардатара. Оҕо сибиэһэй салгыҥҥа эрчиллиэхтээх, эт-хаан өттүнэн
сайдыахтаах диирэ. Манна кини бүтүн Арассыыйа үрдүнэн физкуль-
тураҕа туттуллар үөрэх стандартын нормативтарынан, 2-11 кылааска
диэри саха оҕолоругар уонна олохтоох усулуобуйатыгар сөп түбэһэр,
анал үлэни оҥорбутунан оройуоннааҕы педагогтар ааҕыыларыгар
кыттыбыта. Бу үлэтин суһаллык, оччолорго оройуон үөрэҕин салаа-
тын методиһа Анатолий Андреевич Никифоров, үөрэх министиэрис-
тибэтигэр киллэрбитэ эрээри, кэлин ирдэспиттэригэр көстүбэтэҕэ.
Ол нормативтары сыһыарыыга киллэриэм.
Кэнники уруоктарыгар “аутотренинг” уонна “самомассаж” диэ-
ни туттар буолбута. Саҥа 1994-1995 үөрэх сылыттан физкульту-
раҕа 5-11 кылаастарга эксээмэн киирбитэ, теорияҕа боппуруостар-
даах уонна кылаас ирдэбилинэн нормативнай туттарыылаах. Маны
кини физкультура уруогун суолтата үрдээтэ диэн олус сэргээбитэ.
Бу кэмнэргэ үөрэммит оҕолортон Эдвин Карамзин 100 м сүүрүүгэ
өрөспүүбүлүкэ рекордсмена, Алеша Бурнашев дуобакка Арассыыйа
спордун маастара, Арассыыйаҕа иккис миэстэлээх, Алеша Иванов
кикбоксиҥҥа Арассыыйа успуордун маастара, Сеня Румянцев но-
руоттар икки ардыларынааҕы «Азия оҕолоро» П-с Оонньуулар саа-
хымакка күрэхтэһиитин кыттыылааҕа уо.д.а. буолбуттара.
Кэлин 1998-1999 сылларга саахымат, дуобат куруһуогун ыыппы-
та. Манна көрүдүөргэ дуобат дуоската ойуулаах, фигуралаах остуол-
лары оҥорбутугар, оҕолор переменаҕа оонньууллара, маассабай
көҕүлээһин түмүктэри аҕалбыта, оройуоҥҥа саахымат уонна дуобат
күрэхтэһиилэригэр үрдүк ситиһиилэммиттэрэ.
Иван Михайлович үөрэппит оҕолоруттан элбэх оҕо физкультур-
най үөрэҕи бүтэрбиттэрэ: И.Ф. Мигалкин, Б.П. Бурцев, В.В. Тар-
скай, Т.В. (Глухова) Васильева, А.А. Мырсанов, Н.П. (Алексеева)
Лыткина, И.И. Васильев, И.Г. Рожин уо. д.а.
Сааһыран истэҕин аайы доруобуйата мөлтөөн эрэрин билинэн,
доруобуйатыгар кыһамньытын уурара. Ол курдук,1996 сылтан Пор-
фирий Иванов «Детка (Оҕокко)» үөрэҕинэн дьарыктаммыта. Күн
аайы сарсыарда, киэһээ таһырдьа кыһыннары, сайыннары тымныы
ууну куттара, нэдиэлэҕэ биирдэ аччыктыыра, маны өйөөммүн мин
эмиэ дьарыктаммытым. Ол үрдүнэн, аҥаардас хараҕар алта эпэрээс-
сийэ, сүрэҕэр иккитэ кардиостимуляторы олордубуттара, быарыгар
улахан эпэрээссийэ, муҥурдааҕар икки эпэрээссийэ, барыта холбоон
уон биир эпэрээссийэни ааспыта. Доруобуйатыгар туһалыыр диета-