Page 328 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
спортзал санитарнай туруга тупсарыгар, бары тириэньэрдэрин мун-
ньан субуотунньуктатан, бука бары тас атах таҥаһын устан кии-
рэллэрин ситиспит этэ. Ити барыта солуута суох курдук эрээри,
барыларын бэрээдэккэ тарпыта, үлэҕэ ситиһиилэр кэлбиттэрэ. Оҕо-
лор күрэхтэһиилэрин ымпыгар-чымпыгар тиийэ бэлэмнээн ыытара,
онно киниэхэ төһүү күүс буолбуттара: үөрэх чааһыгар солбуйааччы-
та, бэйэтин учуутала Иван Христофорович Кондратьев, оччотооҕу
оройуон “Урожай” спортивнай обществотын бэрэссэдээтэлэ Инно­
кентий Филиппович Мигалкин. Кинилиин күрэхтэһиигэ диэн куо-
раттан киирэн бириис арааһын ылан тахсаллара. Ити кэмҥэ, тустуу-
га үс уол Иван Пантилов, Афанасий Заболоцкай, Егор Охлопков аан
дойду кылаастаах маастардар буолбуттара. Бу биллэн турар, уолат-
тар туе тириэньэрдэрэ Степан Сивцев, Иван Сивцев, Николай Кры­
лов уо. д. а. айымньылаах, дьаныардаах үлэлэрин чаҕылхай түмүгэ
этэ. Онно Иван Михайлович салайааччы быһыытынан сөптөөх үлэ-
лиир услуобуйаны, бары лары тар биир тэҥ ирдэбили туруорбута ула-
хан оруоллааҕа саарбаҕа суох.
Кэлин бэйэтэ туруорсан, Мүрү иккис нүөмэрдээх оскуолатыгар
физкультура учууталынан үлэлии киирбитэ. Манна кини аан бастаан
оскуола олбуоругар мини-стадиону тутуутун саҕалаабыта, дириэктэрэ
Ким Петрович Андросов күүскэ өйөөн бэйэтэ үлэлэспитэ. Төрөппүт-
тэри көмөлөһүннэрбитэ, олортон бастакы, бэйэбит сыттык-сыҥаһа
ыалбыт Михаил Афанасьевич Бурцев этэ. Үс сүүс миэтэрэ уһуннаах
сүүрэр дорожка, футбол, баскетбол площадкалара, гимнастика бэрэ-
бинэтэ, тардынар перекладиналар, уһуну, үрдүгү ыстанарга аналла-
ах дьаама уонна атын араас оҥоһуктар бааллара. Оскуола үрдүнэн
«А, ну-ка, мальчики!», «А, ну-ка, девочки!», «ГТО» комплексын ну-
ормаларын, хайыһар, күһүҥҥү, сааскы күрэхтэһиилэрин оскуола кол-
лективын барыларын кытыннаран, үрдүк тэрээһиннээхтик ыытара.
Күрэхтэһии түмүгүн түүннэри ватман кумааҕыга суруйан, сарсыарда
оскуолаҕа ыйыыра. Оскуолаҕа киэһээ хойукка диэри сылдьара. Аны
физкультура учууталларыттан бастакынан кабинеты тэриммитэ. Дьэ,
бу кабинетыгар уруоктарыгар анаан конспект-карточкалары, кэлин хас
биирдии 1-11 кылааска диэри үөрэнээччитин аайы икки, үс сыл сай-
дыахтаах инникилээх былааннарын оҥорбутун барытын илиитинэн,
бэчээтинэй буукубанан суруйбута. Оччолорго компьютер, принтер
диэн суоҕа. Бу кабинетыгар физкультура учууталларыгар анаан хас да
төгүллээх сэминээрдэри ыыппыта.
Күһүн хойукка диэри уруоктарын таһырдьа стадиоҥҥа ыытара.