Page 327 - Улуус спордун үйэтиппит учуутал, тренер. Иван Жирков

преподавателинэн кэлэн үлэлииригэр диэн ыҥырбыттарын акка-
астаабыта.
Биһиги төрөппүттэрбитин кытта олорор кэммитигэр олох оҕолор
курдук, ийэбит, убайбыт бэлэмнэригэр олорбуппут. Убайбыт ыал
буолбутун, икки өттүттэн оҕоломмуппутун да кэннэ, икки эдэр ыал
иллээхтик-эйэлээхтик бииргэ олорорбутун Ванялаах ийэлэрэ мын-
дырдык да салайбыта сөхтөрөр. Кини кийииттэригэр, сиэннэригэр
биир тэҥ сыһыаннааҕа. Ыал дьон түөрт сыл эйэ дэмнээхтик олор­
буппут. Ол да иһин кийииттэрэ, эбэбитин Варвара Ивановнаны, саха
Далбар Хотунунан билинэрбит, олус күүскэ ытыктыырбыт.
Дьэ, бэйэбит саҥа дьиэлэммит дьон, олохпутун саҥалыы саҕалаа-
быппыт. Хаһаайын эрдэ туран оһоҕун оттон, хаһаайка ас астаан, бэ-
лэмҥэ сылдьыы уурайбыта. Ол курдук, бур-бур буруо таһааран, үс оҕо-
ну атахтарыгар туруоран, үлэ үөһүгэр үлүмнэһэн, иллээхтик-эйэлээхтик
51 сыл этэҥҥэ, дьон тэнэ олорон кэлбиппит. Уол төрөөн, дьиэлэммит
дьон быһыытынан аан бастаан мае олордубуппут: икки тиит, үс хатыҥ.
Кэлин хаптаҕас, дьордьума уктарын, сардаана, ньургуһун, рябина, боя­
рышник, сирень, яблоня олордубуппут. Иван Михайлович институту
бүтэрэн, Дүпсүҥҥэ үлэлээбитин үөрэппит оҕолоро ахтыахтара.
Оттон мин, Ваня ыал буолан баран хайдах үлэлээн кэлбитин,
кэргэнин хараҕынан, олохпут сүрүн оҥкулун саныыбын-ахтабын:
кини ыра санаа оҥостубут хайыһарын баазатын физруктары мун-
ньан үлэҕэ киллэрбитэ. Бу базаҕа сарсыарда өйүөлээх барара уонна
киэһээ хойут кэлэрэ. Ити оскуолалар икки симиэнэнэн үлэлииллэ-
риттэн, оҕолор субуруччу кэлэллэриттэн буолара. Кини тоҥ хаһаа
баазатын оһоҕун оттон, сылытан, хайыһардары өрөмүөннээн, хайы-
һарын бачыыҥкатынан, чараас спортивнай көстүүмүнэн сылдьан
дьарыктыыра. Кэлин онто, сааһырбытын кэннэ, ыарыыга кубулуй-
бута. Кини бу бааза баар буолан, элбэх ситиһии кэлбитэ диэн күн-
дүтүк ахтара. Дьиэ тас истиэнэтигэр хайыһар тэбэн иһэр спортсмен
ойуутун ыалбыт, худуоһунньук Михаил Бурцев уруһуйдаабыта ыйа-
нан турбута. Бу кэмнэргэ Иван Михайлович кинокамера атыылаһан,
оҕолор дьарыктарын түһэрэн, хайыһар техникатыгар үөрэтэригэр
туһанара. Кинопленкатын бастаан соҕуруу ыытан бэчээттэтэрэ, он-
тон кэлин бэйэтэ бэчээттиир буолбута. Фотоаппаратынан түһэрэрэ,
портативнай бэчээттиир тэрили атыылаһан, хаартыскалары дьиэби-
тигэр бэчээттиирэ, онно мин илии-атах буолан көмөлөһөрүм.
Салгыы оҕо спортивнай оскуолатыгар иккистээн ананан дириэк-
тэрдээбитэ, манна кини эмиэ элбэх сыратын биэрбитэ. Аан бастаан