Page 72 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
буоларбыт. Онтон олунньуттан бука бары хайыһар баазатыгар тахсан,
саас хойукка диэри үлүһүйэн туран хайыһардыырбыт. Күрэхтэһии-
лэр үксүн (оройуон да, республика да киэннэрэ) кулун тутарга уонна
муус устарга буолаллара. Ол иһин, ол кэмҥэ биһиги, бииргэ үөрэммит
уолаттарым, кыргыттарым бары, эрчиллэр түмсүүгэ сылдьан, элбэх-
тик күрэхтэһиигэ кыттарбыт, улахан көрдөрүүлэри ситиһэрбит.
Олортон биир саамай чаҕылхай кыайыылаах түгэн 1973 сыл
сааһыгар буолбута. Ити дьыл мин онус кылааһы бүтэрээри сыл-
дьарым. Коля Костромин, Проня Харитонов, Костя Дегтярев уонна
мин 4x5 км-даах эстафетаҕа оройуон чемпионнара буолбуппут. Ол
онно биһиги олус чаҕылхай сүүрүүнү көрдөрбүппүт. Толкуйдаан
көрдөххө, эстафетаҕа тактикалаан сүүрүүнү, кэлиини-барыыны ба-
рытын уопуттаах спортсмен, тренер Иван Михайлович сүбэлээбит
буолуохтаах. Оччолорго биһигини физкультура учуутала Иван Хри­
стофорович Кондратьев, Бороҕоннооҕу ДЮСШ дириэктэрэ, үөрэп-
питэ. Биллэн турар, уолаттарым хайы-сах республикаҕа, оройуоҥҥа
биллэр хайыһардьыттар этилэр. Онон эстафетаҕа кыайыахтаахпыт
диэн эрдэттэн бигэ эрэллээх этилэр. Кимнээх иккис, үһүс миэстэлэ-
ри ылбыттарын үчүгэйдик өйдөөбөппүн гынан баран, биһиги күрэх-
тэһээччилэрбитин таһы-быһа ырааҕынан хааллартаабыппытын өй-
дүүбүн. Онно бэлэмнэнэрбитигэр сылы быһа эргиччи дьиҥнээхтик
сыратын-сылбатын ууран туран дьарыктаабыт учууталбытынан,
тренербитинэн Иван Михайлович буолар.
Эмиэ оччолорго Бороҕоҥҥо республика күрэхтэһиилэрин тэрээ-
һиннэригэр ДЮСШ оҕолоро хайаан да бары көмөлөһөрбүт, сүүрэр-
бит-көтөрбүт. Дьэ, ити кэмнэргэ биһиги оройуоммутуттан уонна
атыттартан даҕаны биллэр хайыһардьыттар кэлбиттэрин аан бастаан
көрбүтүм. Бэрт хатыһыылаах сүүрүүлэр буолаллара. Ити кэмнэргэ
саамай күүстээх састааптаахтарынан чурапчылар, хаҥаластар, дьо-
куускайдар уонна Уус Алдан оройуонун хамаандата биллэллэрэ.
Оройуоммут чиэһин Иван Михайлович Жирков, Атос Реасович Ку-
лаковскай, Борис Маркович Иванов, Алексей Николаевич Пестря­
ков, Семен Ильич Черноградскай, Иннокентий Филиппович Мигал-
кин көмүскүүллэрэ, кинилэр сүүрэллэрин сөҕө, биһирии көрөрбүт.
Бу ааттаммыт хайыһардьыттар уонна республика атын күүстээх
спортсменнара араас дистанцияларга, эстафеталарга бары тус-туспа
суоллаах, техникалаах, настройкалаах буолааччылар.
Биирдэ онус кылааска сылдьан бииргэ хайыһардыыр уолаттарым
Костя, Проня, Коля куораттан күрэхтэһэн кэлбиттэрэ, үчүгэй спор-