Page 92 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
тиир биэтэккэ сорудаҕы ылбыт дистанциябыт кэлэрин кытта: «Маа-
йыс, кытаат!» - диэт кыыспытын иннибитигэр түһэрдибит. Мин тута
«расслабись» гынан хааллым, Феням иннин диэки түһэн иһэр. Кэн-
нибиттэн испит Нам кыыһа - республика биллиилээх сүүрүүгэ Света
Винокурова иннибэр түстэ, хамаандам дьоно ыһыы да хаһыы. «Тоҕо
туран хаалаҕын?! Кыай-кыай», - дииллэр. Мин хойутаан да буоллар,
түһэн көрдүм да, төрдүһүнэн таҕыстым. Билигин да чувствуйдуубун,
этим-сииним ыһыктынан кэбиспитин... Онно учууталым барахсан:
«Эн до победного конца үлэлиэхтээх этиҥ, пахай даҕаны, төрдүһү ыла
сылдьаҕын...» - диэн хомуруйбута. Кор, настрой диэн киһиэхэ оннук
күүскэ дьайар эбит этэ. Хас километр дистанциятын өйдөөбөппүн
буолан баран, Иван Семенович Румянцев (чэпчэки атлетикаҕа I раз-
рядтаах, республика хас да төгүллээх чемпиона, Уһук Илин регионун
күүстээх сүүрүүгэ) хайдах кэлэриттэн биһиги хамаандабыт кыайа-
ра-кыайбата тутулуктаах буолла. Бары кэтэһэн, олох мунутуурдук
тыҥаан турабыт. Арай, хара тыа иһиттэн кылбас гынан, үрүҥ фор-
малаах Иван Семенович, дьэ, көтөн-дайан иһэр аҕай эбит ээ, адьас
кынаттаах курдуга... Оо, ол ыһыыта-хаһыыта, үөрүүтүн өрөгөйө би­
лигин даҕаны киһини күүркэтэр курдук эбээт!..
Спорт киһи киһиэхэ сыһыаныгар эйэлээх, тулуурдаах буолууга
ханнык да методикатааҕар ордук иитэр күүстээх. Урут «Урожай»
ДСО тыа сирин спортсменнарыгар Россия таһымыгар араас куо-
раттарга күрэхтэһиилэри тэрийэн ыытар этэ. 1967-1968 сылларга
быһыылаах, хайыһарга Красноярскай куоракка күрэхтэһиигэ Иван
Михайлович, Гаврил Николаевич Попов (Чурапчы), Коля Пестряков
(биһиги оройуон) уонна дьахталларга мин, соҕотох (соҕуруу күрэх-
тэһиигэ бастакы сырыым), салайааччынан Виталий Васильевич Сы­
ромятников буолан бара сылдьыбыппыт.
Гостиницаҕа уолаттар бары бииргэ, онтон мин нуучча дьахтал-
ларын кытта хосторго түстүбүт. Уолаттарым туалекка илдьэ барал-
лар, аҕалаллар. «Нуучча дьахталлара куһаҕаҥҥа үөрэтиэхтэрэ, онно
хоско олорума, кэлээр», - дииллэр. Эрчиллии кэнниттэн «Үчүгэйдик
душтан», - диэн буолара. Ол аата миигин олох балтыларын курдук
корон, бүөбэйдээн илдьэ сылдьыбыттара.
Улааппыппыт кэннэ көрүстэр эрэ, хайдах, туох олороргун ыйыта-
лаһара, туох эмэ кыһалҕалаах буоллаххына, наадалаах тыллары бу­
лан, сүбэ-ама биэрэр буолара. Кэргэнэ Мария Никоновналыын биир
тэрилтэҕэ уһуннук бииргэ үлэлээбит буолан, бу ыалы кытта чугас-
тык билсибитим. Оҕолоро үһүөн оройуоннааҕы юннатскай станция-