Page 96 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
ровскайга үрдүк үөрэххэ киирэрбэр
көмөлөспүтэ.
Саас улахан тымныылар ааһан-
нар, хайыһардааһын саҕаланна. Дэ-
риэбинэ аннынааҕы Көрдүгэн диэн
алааска суол бөҕө үктэнэн, уруок-
тарга хайыһар техникатыгар үөрэнии
кэнниттэн, алааһы эргийэн кэлэрбит.
Ким хайыһардыан баҕалаах уруок
кэнниттэн сиэксийэҕэ дьарыктана-
ра. Биһигиттэн Сеня Алексеев, Вася
Сыроватскай, Кеша Сивцев хайыһар-
га үчүгэйдэр этэ. Мин Найахыттан
Дүпсүҥҥэ киирэн кыттар буоларым.
Оттон кыргыттартан Аля Корнило­
ва, Роза Бочкарева, Варя Куличкина,
Маша Федорова оскуола сүрүн хайыһардьыттара этилэр. Учууталбыт
Иван Михайлович ханна эрэ баран кэлбитэ, ол кэлэн баран уолат-
тарга 5 км, кыргыттарга 3 км дистанцияларга күрэхтэһиини тэрий-
битэ. Онно мин Сеняны аҕыйах сөкүүндэнэн кыайан бастаабытым,
Кеша — үһүс, Ваня төрдүс буолбуттара. Онон оскуола чиэһин биһи-
ги кылаас уолаттара көмүскүүр буолбуппут. Аҕыйах күн учууталбыт
батыһыннара сылдьан дьарыктаабыта. Үс-биэс хонукка эмиэ баран
кэлбитэ, арааһа күрэхтэһэн кэлэр быһыылааҕа. Ол кэлэн, аны эстафе-
таҕа күрэхтэһиннэрбитэ, учууталлар эмиэ хамаанда туруорбуттара.
Хамаанда үстүү киһилээх буолан, Ваня Сыроватскай кыттыбатаҕа.
Маҥнайгы этапка Кеша, Сеня - иккискэ, мин - үһүскэ. Сеняны ата-
стаһыах диэбиппин, ылымматаҕа. Күрэхтэһии саҕаламмыта, учуутал-
лартан Ким Петрович Андросов барбыта. Кешабыт бастакынан кэлэн
Сеняны ыытта, учууталлартан Василий Васильевич Федоров барда,
Ким Петрович олус хаалбатах этэ. Сеня сотору элээрдэн бастакынан
кэллэ, мин Василий Васильевиһы көрө сатыыбын, кини көстүбэтиттэн
эрэх-турах сананан түһүнэн кэбистим. Бастакы омуммар наһаа күүскэ
саҕалаатым уонна сыыр тахсыытыгар бөтө бэрдэрэн аҕылааһын буол-
ла, онтон сыыйа холкутуйан, просеканан барар суолунан тэбэн истим.
Сотору бэрт туруору сыыры аҕылаан-мэҥилээн нэһиилэ тахсан «һуу»
гынан уоскуйан, кэннибин хайыспытым - учууталым сыыр ортотун
дабайан эрэр эбит. Ону көрөөт олус ыксаатым эрээри, харса суох сал-
гыы тэппитинэн бардым.