Page 95 - Улуус спордун үйэтиппит учуутал, тренер. Иван Жирков

лааннар, биир эрэ кылаас буолар оҕо хаалбыппыт. Сотору интэринээт
аһыллан, олорбут ыалбытыттан интэринээккэ киирэн үөрүү-көтүү
үрдээбитэ. Оччолорго оҕо эрэ барыта, ордук уолаттар, күүтэр-кэ-
тэһэр уруокпут физкультура буолара. Нэдиэлэҕэ биирдэ буолар
уруокпут дьэ саҕаланна. Учууталбыт кылааһы уҥуохпутунан строй-
даппытыгар ылы-чып турдубут. Онно көрбүтүм - учууталбыт маҥан
полоскалаах күөх спортивнай көстүүмнээх, сабыс-саҥа кроссовка-
лаах, бэйэтэ орто көнө уҥуохтаах, сөрү-сөп көрүҥнээх эдэркээн киһи
эбит. Дорооболоһон, бэйэтин билиһиннэрэн баран, сурунаалынан
көрөн биһигинниин билистэ. Иван Михайлович нууччалыы олус
ыраастык, чуолкайдык саҥарара, оҕону бэйэтигэр тардар күүстээҕэ,
улахан спортсмен буолара биллэрэ. Кини хайыһарга ССРС спордун
маастарыгар кандидат, республика чемпиона, Саха сирин хайыһар-
га сүүмэрдэммит хамаандатын чилиэнэ буоларын оссо эрдэ истибит
буоламмыт, тута ытыктыы, сүгүрүйэ санаабыппыт.
Араас сиэксийэлэр үлэлээн барбыттара, гиирэни анньыыга,
штангаҕа Семен Макарович Ушницкай диэн математика учуутала
дьарыктаабыта, саҥаран-иҥэрэн, кэпсээн-ипсээн бэһиэлэй соҕус
быһыылааҕа, мин бастакынан суруйтарбытым. Биһиги кылааска
Сеня Алексеев диэн уҥуоҕунан кыра эрээри, бэрт сылбырҕа сытыы
уол баара. Кини баскетболга мээчиги кимтэн баҕарар былдьыы-
ра уонна корзинаҕа киллэрбит эрэ буолара, теннискэ эмиэ үчүгэй-
дик, араастаан эрийэн охсоро, онон кинини кытта судургутук оон-
ньуур киһи сатаан тэҥҥэ оонньоспот этэ. Учууталбыт, бука, кинини
астынар быһыылааҕа.
Тустууга Бороҕонтон тренер Семен Макеев кэлбитэ, онно, дьэ,
бэрт элбэх уол суруйтаран дьарьтктаммыттара. Онус кылаастан Гоша
Корнилов, Коля Литвинцев, Саша Гоголев үчүгэйдик тустан барбыт­
тара. Биһиги кылаастан Коля Гаврильев, Ваня Охлопков, Алеша
Горохов, Вася Прибылых сөбүлээн сылдьыбыттара. Сотору-сотору
Бороҕонтон спорт кэмитиэт тойоно Андрей Андреевич Протопопов
кэлэрэ. Кини кэпсэтэн буолуо, атын оскуолалартан тустуук уолаттар
кэлитэлээбиттэрэ. Суоттуттан Алеша Бочкарев, Курбуһахтан Наум
Ермолаев, Костя Местников, Найахыттан Кеша Сивцев, Баатаҕайтан
Валера Татаринов о.д.а. Ити курдук оройуон үрдүнэн эдэр тустуук-
тары усбуордаан баран, А.А. Протопопов улахан күрэхтэһиини ыып-
пыта, онно Дүпсүн тустууктара Ваня Соловьев, Ефрем Лугинов олус
үчүгэйдик тустубуттара.
Эрдэлээн эттэххэ, А.А. Протопопов 70-с сылларга мин Хаба-