Page 16 - Сахаайа Ермолаева Тыыннаах ырыа
P. 16
35.
Эн — дьиҥнээх ырыынак баһааргын,
Оттон мин — эйиэхэ табаарбын.
Харчынан күһэйэн былдьаатыҥ —
Көҥүлбүн, суобаспын, моральбын.
36.
Баай киһи — кимҥэ да эталон!
Офиһын өһүөтэ олус суон!
Өскөтүн тостуоҕа — харчынан
Өссө суон өһүөнэн солбуйуо.
37.
Эн дьиҥнээх дьүөгэҕин! Аньыыбын —
Хатылаан хомоппот буолларбын...
Бэйэҕэр буолбакка, мин туспар
Барытын бырастыы гынаҕын!
38.
Куһаҕан кыайтаран охторун,
Үчүгэй өрүүтүн хоторун
Туһугар — тоһута тутабын
Хара дьай хаалыктаах охторун.
39.
Былыггаах түүн ыкта сир аайы,
Хойунна оботтоох кырдаайы.
“Сатааҥ да — байыҥ!”— диир кэм кэллэ...
Хааһына чарааһыыр ол аайы.
40.
Баҕар мин кылгастык олоруом,
Суруйуум сорҕотун оҥоруом...
Ол эрэн, айымньым ааҕьшлан,
Туолбатах ырабын толоруом!
14
