Page 33 - Сахаайа Ермолаева Тыыннаах ырыа
P. 33
7.
Мөлтүүрбүн сороҕор эн түүйэ көрөҥҥүн,
Түлэй түүн сыттыгыҥ чуумпутук илийэр.
Оттон ол сарсыарда суһуоххун өрөҥҥүн,
Ууламмыт хараҕыҥ атыннык мичийэр.
Ол миэхэ оргууйдук эрэли үөскэтэр,
Былыттан күн быган эрэрин санатар.
Омуна оргуйар бу олох үөһүгэр
Ордоммун — өрүттэн турарбар ыҥырар.
Кылааттаах Парнас хайатын туһулаан,
Кынаттаах аппынан кыһыырдан барабын.
Санньыйыы былытын курдары суйулаан,
Ыарыыга ситтэрбэт ырыалыын дайабын.
* * *
Ырыам ис хоһооно — эн эрэ тускунан...
Ыллаат да — уоскуйан хаалабын устунан.
31
