Page 35 - Сахаайа Ермолаева Тыыннаах ырыа
P. 35
9.
Эн миэхэ анаабыт тапталыҥ, сааскылыы,
Киҥкиниир халлаан түөрт саҕаҕар маарынныыр.
Иннибэр — уһуктуу күнүнэн сырдыыгын,
Кэннибэр — утутар сарыаллыы кыыһаҕын.
Уҥабар — күн орто күндээрэр күнэҕин,
Хаҥаспар — күһүҥҥү ыйдаҥа түүнэҕин.
Эргиччи түөрт саҕах өҥүнэн сырдыыгын,
Данколыы төлөннөөх сүрэххин аныыгын.
Эн аахпыт кинигэҥ ахсаанын саҕаны
Бэйиэттиир билиҥҥи сахаттан ким айыай?..
Ол эрэн куоһардын ыччат бу ахсааны...
Эбэтэр олохпут ырыатын ким салгыай?!.
* * *
Айар ап кистэлин эмискэ аһаҥҥын,
Соһуччу санаанан сындыыстыы сырдыыбын.
» 1«1кн V N9 231 33
