Page 39 - Сахаайа Ермолаева Тыыннаах ырыа
P. 39
13.
Харчыга, баайга да сүрэххин сүүйтэрбэт,
Босхону сомсорго, бэриккэ бэриммэт —
Чөл өйгө тылгынан, дьыаланан үөрэттиҥ,
Хараҥа хаспахтан сыыр үөһэ күөрэттиҥ.
Кыраҕа-кыаммакка аанньаллыы сыһыаннаах,
Кыайтаран сылдьарга аһыныык санаалаах
Буоларга эрдэттэн дьаныһан ииппитиҥ,
Сыраҕын-сылбаҕын барытын биэрбитиҥ.
Мунаарар түгэммэр дьэҥкэрдэн быһааран,
Обоччо үөхсүүттэн ырааска таһааран,
Кулгаахпын истигэс оҥорон иһэҕин,
Харахпар көрүгэс дьоҕуру эбэҕин.
* * *
Баай олох кэрэтин, сиэр-майгы бастыҥын
Хаһааммыт храмнар ааннарын аһаҕын.
37
