Page 54 - Сахаайа Ермолаева Тыыннаах ырыа
P. 54
13.
Бэйиэтиэм! Наар ордо сатаабыт тыҥааһын
Капрон, кыл-сап дуу илимэр иҥнимээр.
“Кыайдым!” диэн кыланар кырыктаах кыҥааһын
Кырыаҕа саһыарбыт кылыытын үктээмээр.
Кырдьыккын балыйбыт кырыыс күүс иннигэр —
Титирик буолаҥҥын титирии турумаар.
Улахан олоҕуҥ уҥуоргу биэрэгэр
Кумуччу туттубут кутурук буолумаар.
Аһаҕас майгыгын, ырааскын таптыыбын —
Эн сүүрүк соноҕос ымыылаах курдуккун.
Сөпсүүбүн улгумнук быыралаан барыыгын,
Сүһүөххүн тэнитэн ойуолуур олуккун.
* * *
Өксүөҥҥэ чэбдиктик сэгэйэ сиэл эрэ!
Дьыбарга чэгиэнник чаҕаара күл эрэ!
52
