Page 55 - Сахаайа Ермолаева Тыыннаах ырыа
P. 55
14.
Муҥурдуур хараҥа буулаабыт муннугар
Түҥнэри-таҥнары түүллэри түһүүбүн.
Түбүлүүр абааһы түннүгүм тааһыгар
Түлүрбэх кыыл буолбут күлүгүн көрөбүн.
Дьолунан, сорунан туолуйар дьылҕа хаан
Уота суох сэриитэ бу эбит буоллаҕа!
Тулуурдаах да дьону тоһутан, кумалаан,
Тумулга тимирдэн дуксуйа турдаҕа...
“Булгуччу болдьоххун уһата түһүүй...” — диэн,
Барыйбыт күлүгэр сүгүрүс гынабын.
Ол кэмҥэ: “Өлүүнү үлэнэн умун...” — диэн,
Күөн-аҕам саҥатын истэргэ дылыбын.
* * *
Ол күндү сүбэттэн төһөтө туолуоҕа
Биллибэт эрээри — сүрүн сыал буолуоҕа.
53
