Page 150 - Неизвестное название

Алексеев Д. А. —Кымахы,
кыһыл бартыһаан

Кини кэллэр кэлбэтэ, биһиги оскуола иһигэр интернакка
олорор этибит. Сотору соҕус ыраахтааҕыны устубуттар үһү диэн
иһиттибит. Мин copox уолаттары кытта быраабаҕа сүүрдүм. Тоҕо
да барбыппытын билбэппин. Ыраахтааҕы уһуллубута үчүгэйин
да, куһаҕанын да билбэт этибит. Ол эрээри ыраахтааҕы уһуллубу-
та улахан суолталааҕын хайдах эрэ өйдүүр этибит. Тиийбиппит,
бырааба дьиэтэ тобус толору, «лыык» курдук киһи эбит. Биһиги-
ни, оҕолору, таһырдьа үүрэн көрдүлэр да, биһиги оннук «көртөн»
матыах дьон буолбатахпыт, хата хайдах эрэ гынан (олоппоһу ан-
нынан эҥин) дьон иннигэр киирдибит. Мин ытаһыахтара диэби-
тим дуу, хайдаҕа дуу, ким да ытаабат эбит ээ, дии санаабыппын
өйдүүбүн.
Халаччымыанап ааттаах хааттыһыт, арыгыһыт, ханна ха-
атты «күүлэйэ» буолар да, онно кини бастыҥ миэстэҕэ баар буо-
лар, мөһөөҕүнэн сүүйсэр-сүүйтэрсэр киһи этэ. Лаппахана курдук
аччыгый, бытааннык, мөдөөттүк саҥара сатыыр киһи этэ. Дьэ, бы-
тааннык, сыыйа-сыыйа, куолаһын кытаатыннара-кытаатыннара
мустубут дьоҥҥо: «Дьэ, бу биллэрии кэллэ, арай ыраахтааҕыны
устубуттар, аны ыраахтааҕыта суох олорор үһүбүт», - диэн хат-
хат лаҕыйа, кэпсии олорорун бу баар курдук өйдүүбүн.
Өйдүөбэтим кимин даҕаны, биир оҕонньор саҥата ыйыппы-
та: «Оччоҕо, аны ким ыраахтааҕы буолар үһү?». Халаччымыанап
онно бытыгын быыһынан сонньуйан баран эттэ: «Хата, этэбин ээ,
аны ыраахтааҕыта суох олорор үһүбүт». «Ол аата хайдаҕый?» -
диэн эмиэ ыйыттылар. «Дьэ, ол аата хайдаҕын манна биллэрбэ-
тэхтэр», - диэн Халаччымыанап «быһаарда».

Бартыһаан Дьөгүөрэп