Page 6 - Тойон Муругэ Елуенэ уута кэлиитэ
P. 6
күүстээх электронасостар үтэйиилэринэн 74 км. Усталаах магистральнай уу
ситимин устун айаннаан, сырдык-хараҥа былдьаһыыта Мүрү Эбэ ортотугар
оҥоһуллубут Куоһаҕас күөлүгэр сытар водоемҥа үгүс технический
фараларын чаҕылхай уоттарынан сырдатыллан, тутааччылар модун “Ураа!”
хаһыыларынан доҕуһуолланан суон турбалар күөнтэриттэн көҥү көтөн
хранилище күөлүгэр курулуу тохтубута. Турбаттан тохтор уу тыаһа уонна
тутааччылар модун “Ураа!” хаһыылара Мүрү Эбэ үрдүнэн ньиргийэн,
кинини төгүрүйэн турар тыалар кэтэхтэрин диэки эҥсиллэн түһэ турбута.
Мантан ордук өрө көтөҕүллүүлээх үөрүүнү Мүрү Эбэ олохтоохторо өтөр-
наар билэ иликтэрэ буолуо. Улуу Өлүөнэ өрүс илгэлээх уута Мүрү Эбэ
олохтоохторун иһэр уунан хааччыйан саха омук төбүрүөннээн олорор Мүрү
Эбэтин XXI-C үйэ устата кураантан уонна уолууттан өрүһүйдэҕэ. Уу - олох
төрдө, онон Мүрү Эбэ олохтоохторун инники сайдыыларын хааччыйдаҕа.
Дьэ, маннык биһиги Улуу Эбэбит - Тойон Мүрү!
