Page 138 - Дүпсүн сирэ

Үһүс түһүмэх.
Советскай былаас
бастакы сыллара

Долгуннаах, хабыр хабырыйсыы кэмэ

(Түһумэххэ киирии тыл)
Россияҕа 1917 сыл олунньутааҕы революция ыраах-
тааҕы былааһын суулларан, былааһы Бириэмэннэй
бырабыыталыстыба илиитигэр ылбыта. Саха сиригэр
олунньутааҕы революция туһунан сурах кулун тутар 1
күнүгэр кэлбитэ. Салалтаны сыылкаҕа сылдьар больше-
виктар турар революционнай комитет тэриллибитэ. Ку­
лун тутар 8 күнүгэр куорат олохтоохторун мунньаҕынан
большевик-ленинец Г. Петровскай председателлээх
обществоҕа куттал суох буолуутун Комитета тэрил­
либитэ. Ити народнай мунньахха Дүпсүнтэн икки ута-
рыта турар кылаас бэрэстэбиитэллэрэ В.В.Никифоров
уонна И.К.Попов кыттан, историяҕа киирэр этиини
оҥорбуттара. Саха национальнай интеллигенциятын
бас-көс киһитэ, федералистар партияларын чилиэнэ
В.В.Никифоров, өссө нуучча бастакы революциятын
сабыдыалынан сахаларга бэйэ баһын бэйэ бас били-
нэригэр сүрүн соругу туруорбут «Сахалар союзтарын»
тэрийэн, Саха сирин прогрессивнай интеллигенция­
тын сомоҕолоон, ыраахтааҕы былааһынан кырыктаах-
тык дьакыллыбыт буолан, революциялар уу долгунун
курдук үллэн баран түһэн хаалалларын санатан туран:
«Мэтээл икки сирэйиттэн кэннэ көстүбэтинэн олус
күүркэйбэккэ, туга-ханныга биллиэр диэри кэтээн
көрөн кыттыахха», — диэн сэрэтэр хабааннаах тылы
эппитэ. Оттон хара үлэһиттэр союзтарын ааттарыттан
тылы ылбыт Илья Кононович Попов Дүпсүн улууһун
холобуругар баай батталын, ол иһигэр улуус кулубаты-
нан үлэлээбит В.В.Никифоровы сирэй-харах анньан
туран, бу революция боростуой норуокка көҥүлү, тэҥ