Page 250 - Дүпсүн сирэ

билбитэ. Дойдутугар 1944 сыллаахха төннүбүтэ. Ити кэлиэҕиттэн холкуос
ыарахан үлэтиттэн илиитин араарбатаҕа.
Ильина Анна Павловна
(1919-1987)

Анна Павловна II Өспөх нэһилиэгэр төрөөбүт. Дүпсүн 7 кылаастаах оскуо-
латын бүтэрбитэ. Дыгдаал бөһүөлэгэр ликбезкэ учууталлыы, комсомол секре-
тарынан үлэлии олорон, 1939 сыллаахха Дүпсүн сельпотун председателинэн
ананан үлэлии кэлбитэ. Оччотооҕуга Дүпсүн сельпота 9 маҕаһыыннаах, 30-ча
үлэһиттээх этэ. Сельпо 6 нэһилиэги, 23 холкуоһу, араас тэрилтэлэри аһынан-
таҥаһынан хааччыйан олорбута. Сэрии сылларыгар сельпо табаар эргиирин
былаанын 100—110%, түүлээх соҕотуопкатын 110—170% тиийэ толороллоро.
Сельпону салайарын таһынан 1942—1945 сс. нэһилиэк партийнай тэрилтэтин
секретарынан талыллан үлэлээбитэ. Анна Павловна ССРС Верховнай Сове-
тын Ыйааҕынан 1944 сыллаахха «Үлэҕэ туйгунун» мэтээлинэн саха дьахталла-
рыттан бастакынан наҕараадаламмыта, Центросоюз Бочуотунай кинигэтигэр
суруллубута, эргиэн I рангалаах үлэһитэ бочуоттаах ааттаах.

Сидорова Евдокия Ивановна
(1919-2001)

Сидорова Евдокия Ивановна 1934 сыллаахха связистар кылгас курста-
рын үөрэнэн бүтэриэҕиттэн ыла олоҕун барытын сибээс үлэтигэр анаабыт,
нэһилиэккэ, оройуоҥҥа убаастанар ытык кырдьаҕас этэ. Бороҕон, Дүпсүн,
Суотту сибээһин отделениеларыгар начальнигынан үлэлээбитэ. Евдокия Ива­
новна сэрии сылларыгар Дүпсүҥҥэ үлэлээбитэ. Сут-кураан сылларга кэргэнэ
өлбүт элбэх оҕолоох ыанньыксыт балтыгар күүс көмө буолбутун туһунан би-
лигин оччотооҕу сэрии оҕолоро: «Биһиги эдьиийбит Дуунньа баар буолан хор-
гуйан өлбөтөхпүт, сэрии кэмин тыыннаах туораан, ыал буолан, оҕо-уруу бөҕө
буолан олоробут», — диэн махтанан ахталлар.
Евдокия Ивановна сибээс үлэтигэр уһулуччу кыһамньылаах, үрдүк таһаа-
рыылаах үлэтин иһин «ССРС сибээһин туйгуна» бэлиэнэн, Саха АССР Вер­
ховнай Советын Бочуотунай грамоталарынан. Союз киин редакцияларын мах-
тал суруктарынан, «1941 — 1945сс. Аҕа дойду сэриитин кэмигэр килбиэннээх
үлэтин иһин» мэтээлинэн наҕараадаламмыта.

Үлэ ветерана сэһэргиир
Прибылых Илья Петрович 1943 сылтан саҕалаан, өр сыллар усталарыгар
заготскот приемщигынан, арыы собуотун маастарынан, сэрии ыар сылларыгар
1941 — 1943 сыллардаахха нэһилиэк сэбиэтин председателинэн үлэлээбитэ.
Дүпсүн нэһилиэгэр сэрии сылларыгар үлэ фронугар элбэх сыраларын биэр-
бит, кыайыыны үлэнэн уһансыбыт кырдьаҕастартан биирдэстэрэ — Прибылых
Илья Петрович. Кини сэрии сылларыгар 1941 сыл бэс ыйыттан 1943 сылга
диэри Тэбиик нэһилиэгин Советын исполкомун председателинэн үлэлээбит.
«Нэһилиэккэ, холкуоска үлэһит илии тиийбэт этэ. Оҕону, дьахтары кыт-
246