Page 360 - Дүпсүн сирэ

механизатордара биһирээн, үлэ бириэмэтэ сүтүүтүн аҕыйатар буолбуттара.
Афанасий Андреевич аҕыс оҕо амарах аҕата. Оҕолор кыра эрдэхтэринэ ийэлэрэ
өлөн, аҕа эрэ көрүүтүгэр хаалбыттара. Онон кыра эрдэхтэриттэн дьиэҕэ-уокка
үлэлии үөрэммиттэрэ. Ол производствоҕа тахсыыларыгар туһалаах буолла.
Үксүлэрэ билигин аҕаларын курдук совхоз киэн туттар механизатордара. Хо-
лобур, улахан уола Василий урут совхозка чемпион суоппар этэ, билигин тех­
ника үлэтигэр диспетчердиир. Кини кэнниттэн быраата Андрей — чемпион-
суоппар.
Тракториһы, суоппары тыа дьоно от-мас тиэйтэрэн баран, күндүлээтэҕэ
буолан, аһыы уунан — арыгынан утахтыыр үгэстэрэ баара. Дьэ, Афанасий
Андреевич үйэлээх сааһыгар ити «күндүнү-мааныны» айаҕар тиэрпэтэх киһи.
Онон арыгыны испэттэр обществолара тэриллиитин, арыгыны атыылааһын
аҕыйааһынын сүрэҕинэн сөбүлээн аан бастакынан сэҥээрбитэ. Үлэҕэ буспут-
хаппыт, үлэнэн чиэскэ-хайҕабылга тиксибит, Дүнсүн нэһилиэгин Бочуоттаах
гражданина А.А.Соловьев дьэ ити курдук: үлэтинэн-хамнаһынан, майгытынан-
суобаһынан эдэр дьоҥҥо эргиччи өттүнэн холобур буолар. Биһиги кини
туһунан бу бэлиэтээһиммитин быйыл сайыннааҕы күөх быйаҥы сомсууга са-
лайар пресс-подборщигын звенотун кыайыылаах үлэтин түмүгүнэн информа­
ция суруйан ситэрэрбит буолуо диэн бигэ эрэллээхпит. Ол курдук кини ханна
үлэлиир да мэлдьи кыайыыны ситиһэр.
Иннокентий Константинович Сивцев
Кыым. — 1987. — От ыйын 10 к.

Сукурда Уус уола Свешников Афанасий Афанасьевич-Туопаан Уус
( 1919- 1988)
Кырдьаҕас уус туйаҕын хатаран, соҕотох уола Свешников А.А. сурукка киир-
битинэн 1919 с. төрөөбүт. Эбэм кэпсииринэн ыраахтааҕы суулларыгар сүүрэ
сылдьар уол эбитэ үһү.
Свешников Афанасий Афанасьевич — Аҕа дойду Улуу сэриитин ветерана,
хас да бойобуой мэтээллэрин уонна Аҕа дойду сэриитин иккис степеннээх
уордьанын кавалера этэ. Аҕам сэттэ кылаас үөрэхтээҕэ. Эдэригэр суоччуттаа-
быт, Благодатнайга олоро сылдьан атыыһыттаабыт. Онтон кэлин Дүпсүҥҥэ
олохсуйбут. Бэйэтин дьоҕурунан тимир ууһунан үлэлээбит. Маска даҕаны, ти-
миргэ даҕаны дэгиттэр талааннаах, уран тарбахтаах уус этэ. Кини сатаабатаҕа
диэн суох буолара. Чахчы даҕаны маһы хаамтарар, тимири ыллатар уус диэн
кини этэ. Дүпсүн бөһүөлэгэр хас дьиэни маастардаан туттарбытын, хас дьиэҕэ
холуода баайбытын, түннүгүн арааматьтн оҥорбутун, тааһаабытын ааҕан сип-
пэккин. Анал үөрэҕэ суох да буоллар, аныгы техникаҕа олус сыстаҕаһа. Мото­
цикл, массыына, тыраахтар алдьаммыт саппаас чаастарын чочуйан, иһэрдэн,
оҥорон биэрэрэ. Кэлин холкуостар совхоз буолбуттарыгар слесарь, токарь
диэн аатынан, пенсияҕа тахсан да баран, өр үлэлээбитэ. Бу үлэлиир кэмигэр
«рационализатор» аатын ылбыта. Совхоз, оройуон бочуотунай грамоталарынан
элбэхтик наҕараадатаммыта.
Анал үлэтин быыһыгар дьиэтигэр араас бытархай оҥоһуктары уһанара,
324