Page 358 - Дүпсүн сирэ

сылларга Остуойка ынах сүөһүтүн ахсаана 790-ҥа, сылгыта 200-кэ, бааһынатын
сирэ 200 гектарга тиийбитэ. Дьон олоҕо-дьаһаҕа тупсан испитэ. Иван Романо­
вич Остуойка үтүөкэннээх үлэһиттэрин иитэн, үөрэтэн таһаарыыга кыттыбыта.
Ол курдук оройуоҥҥа биллибит эдэр ыанньыксыт Стрекаловская Раиса Ива­
новна хас биирдии ынаҕыттан 3-түү тыһыынча киилэ үүтү ылары ситиспитэ.
Биригээдэ үлэтин көрдөрүүтэ тупсубута. Иван Романович үлэһиттэри өй-санаа
өттүнэн иитиигэ ураты дьоҕурдааҕа. Хас биирдии киһиэхэ болҕомтолоохтук
сыһыаннаһара. Ханнык баҕарар кыһалҕалаахха көмөлөһөрө. Көнө, чиэһинэй,
судургу майгылааҕа. Дьон ортотугар ытыктабылынан туһанара. Иван Романо­
вич Ховров 1991 сыллаахха 80 сааһыгар ыалдьан өлбүтэ.
Мин Илья Сергеевич Бочкаревка уонна Иван Романович Ховровка үлэлээбит
сылларбын умнубаппын, маннык үтүөкэн салайааччыларга үлэлээбиппинэн
бэйэбин дьоллооҕунан ааҕынабын уонна кинилэринэн киэн туттабын.
Мария Егоровна Жиркова,
норуот хаһаайыстыбатын утуөлээх улэһитэ,
персональной пенсионерка

Биэс ыйдааҕы көрдөрүү — 103 кг төлөһүтүү

Ыччат сүөһүнү интенсивной технологиянан төлөһүтүү маастара Семен
Семенович Стручков «Дүпсүн» совхоз Остуойкатааҕы биригээдэтигэр 39 бо-
роону кыстыкка киириигэ туппута. Отуттан тахса сыл устата сүөһү үлэтигэр
мунньуммут баай уопута үрдүк эбиллиини ситиһэригэр сүрүн төһүүнэн буол-
ла. Кыстык биэс ыйын түмүгүнэн хас биирдии бороонорун 103-түү кило­
грамм төлөһүттэ. Борооннорун орто тыыннаах ыйааһыннара 276 килограмҥа
тэҥнэстэ. Үлэ маяга Семен Семенович муус устар ыйга хас биирдии бороонун
орто ыйааһынын 300-тэн тахса килограмҥа тириэрдэр соруктаах.
Н. Оконешников
Ленинской тэрийээччи. — 1989. — Олунньу 28 к.

Отут биэс сыл устата
Үлэ Кыһыл Знамята уордьанынан икки төгүл наҕараадаламмыт Афана­
сий Андреевич Соловьев быйыл 36-с сылын трактор уруулугар олорон, сүөһү
аһылыгын бэлэмнээһиҥҥэ кыттан пресс-подборгцигы үлэлэтэр. Тракто­
ры урууллаан төгүрүк сылы эргиччи айанныахха уонна итиччэ уһун кэмҥэ
үлэлиэххэ диэтэххэ, манан аҕай киһиэхэ кыайтарбат дьыала. Уһуннук үлэлээбит
трактористар тимир тиһиликтээх миҥэлэрин киһи иһин-үөһүн сиксийэр, онон
«сүрэхпит быата» уһаата, куртахпыт аллараа түһэн өрөһөбүтүн ыга баттыыр
буолла диэччилэр. Ити оруннаах этии. Оттон бу киппэ көрүҥнээх, кырдьык,
бухатыырдыы таһаалаах киһи итинник үҥсэргээбэт.
Итиччэ уһун кэмҥэ Афанасий Андреевич төһөлөөх оту кыһын тиэйбитэ-
таспыта, сайын оҕустарбыта-кэбистэрбитэ буолуой. Ону «Дүпсүн» совхоз
үлэһиттэрэ арай билэн эрдэхтэрэ. Кини ити трактористыыр сылларыгар мэл-
дьи үрдүк кирбиилэри ситиһэр, уматыгы кэмчилиир, ону ааһан совхоһугар,
3 2 2